19 January 2021

News Flash

रायगड जिल्ह्यातील पर्यटनस्थळांवर ३ मेपर्यंत बंदी

रायगड, मुरुड जंजिरा, पद्मदुर्ग, कुलाबा, खांदेरी आणि उंदेरी यांच्यासह सर्व गडकिल्ल्यांवर पर्यटकांना जाण्यास मज्जाव

संग्रहित छायाचित्र

रायगड जिल्ह्यातील पर्यटनस्थळांवर ३ मेपर्यंत बंदी घालण्यात आली आहे. जिल्हाधिकारी निधी चौधरी यांनी याबाबत मनाई आदेश मंगळवारी जारी केले. करोना प्रादुर्भाव आणि टाळेबंदीला देण्यात आलेली मुदतवाढ लक्षात घेऊन हे आदेश जारी करण्यात आले आहेत.

थंड हवेचे ठिकाण असलेले माथेरान, खालापूर येथील इमॅजिका पार्क, कर्जत येथील एन.डी. स्टुडीओ, अलिबाग, मुरुड, मांडवा, काशिद, नागाव, किहीम, दिवेआगर, श्रीवर्धन येथील सागरी किनारेही पर्यटकांसाठी बंद राहणार आहेत. रायगड, मुरुड जंजिरा, पद्मदुर्ग, कुलाबा, खांदेरी आणि उंदेरी यांच्यासह सर्व गडकिल्ल्यांवर पर्यटकांना जाण्यास मज्जाव करण्यात आला आहे. या कालावधीत सर्व शैक्षणिक संस्था, खासगी शिकवण्या बंद ठेवण्याचे आदेशही जिल्हाधिकारी यांनी बुधवारी काढले.

या पर्यटन स्थळांवर उन्हाळ्यात मोठय़ा प्रमाणात गर्दी होत असते. यामुळे या गर्दीच्या ठिकाणी करोना विषाणूचा प्रसार होण्याची शक्यता आहे. ही बाब लक्षात घेऊन साथ रोग प्रतिबंधक कायद्याअन्वये जिल्हाधिकारी यांनी याबाबतचे आदेश जारी केले. आदेश मोडणाऱ्यांवर भा.द वी कलम १८८अन्वये कारवाई करण्याचा इशाराही देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2020 12:26 am

Web Title: tourist places in raigad district banned till may 3 abn 97
टॅग Coronavirus
Next Stories
1 सिंधुदुर्ग जिल्ह्यात करोनापेक्षा माकडतापाचा प्रादूर्भाव
2 सांगलीत ‘डॉक्टर आपल्या दारी’ उपक्रम
3 विलगीकरणाची बातमी छापल्याने वार्ताहराच्या घरावर टाळेबंदीतही मोर्चा
Just Now!
X