14 July 2020

News Flash

मुंबई – नाशिक महामार्गावर अपघातांचे सत्र, पाच ठार

महावितरणचा टॉवर एका कंटनेरवर कोसळल्याची दुर्दैवी घटना घडली आहे.

मोशीत गळफास घेऊन महिलेनं जीवनयात्रा संपवली.

मुंबई नाशिक महामार्गावरील वाहतूक सोमवारी सकाळी अपघातांच्या सत्रांमुळे मंदावली होती. पहिल्या घटनेत कल्याणजवळ वीजेचा मनोरा कोसळून दोन जणांचा तर दुस-या घटनेत सटाण्याजवळ इनोव्हा गाडीच्या अपघातात तिघांचा मृत्यू झाला आहे.

सोमवारी सकाळी महामार्गावर कल्याणजवळ आसनगाव – वाशिंद दरम्यान मुंबईच्या दिशेने जाणा-या कंटनेर चालकाचे नियंत्रण सुटले आणि कंटनेरने रस्त्यालगतच्या वीजेच्या मनो-याला धडक दिली. ही धडक इतकी जोरात होती की मनोरा कोसळला आणि त्यामध्ये कंटनेरमधील दोन जणांचा घटनास्थळीच मृत्यू झाला. मुंबईकडे येणा-या वाहनांची वाहतूक दुपारपर्यंत ठप्प पडली होती. वीजेचा टॉवर हा महावितरणचा असल्याची माहिती समोर येत आहे.

दुस-या घटनेत नाशिकजवळ वाहिवर्डे गावावजवळ इनोव्हा आणि ट्रकचा भीषण अपघात झाला. या अपघातात तिघांचा मृत्यू झाला तर दोन जण जखमी झाले. जखमींवर स्थानिक रुग्णालयात उपचार सुरु होते. इनोव्हा गाडीतील प्रवासी सटाण्याहून कल्याणला जाण्यासाठी निघाले होते. मात्र लागोपाठ झालेल्या दोन अपघातांमुळे महामार्गावरील असुरक्षित प्रवासाचा प्रश्न पुन्हा एकदा ऐरणीवर आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 14, 2016 11:01 am

Web Title: transmission tower collapsed on truck container 2 died
Next Stories
1 ..तर राष्ट्रपती, पंतप्रधानांसह मुख्यमंत्रीही मागासवर्गीय
2 मोदी सरकारचा हुकूमशाही पद्धतीने कारभार – नारायण राणे
3 विटा आणि तासगावमध्ये १५ लाखांची बेहिशोबी रोकड हस्तगत
Just Now!
X