25 February 2021

News Flash

त्यांचे निश्चय हेच प्रेरणेचे उत्तम उदाहरण; आनंद महिंद्रा यांचा बळीराजाला सलाम

नेटीझन्सकडूनही उत्तम प्रतिसाद

संग्रहित छायाचित्र

महिंद्रा अँड महिंद्राचे कार्यकारी अध्यक्ष आनंद महिंद्रा सोशल मीडियावर त्यांच्या विधानांमुळे बऱ्याचदा चर्चेत असतात. त्यांनी मध्यंतरी आयुष्य सकारात्मक पद्धतीने कशाप्रकारे जगावे, हे सांगण्यासाठी शेअर केलेला एक व्हिडिओ सोशल मीडियावर व्हायरल झाला होता. त्यानंतर आता त्यांनी मुंबईमध्ये सोमवारी पार पडलेल्या किसान मोर्चा संदर्भात एक ट्विट केले आहे. यामध्ये त्यांनी शेतकऱ्यांचे कौतुक केल्याचे दिसत आहे. आपल्या ट्विटसोबत त्यांनी जोडलेले २ फोटोही अतिशय समर्पक असून या ट्विटला नेटीझन्सकडून मोठी पसंती मिळत आहे.

महिंद्रा म्हणतात, सोमवार हा आठवड्याचा पहिला दिवस असल्याने तो कामासाठी प्रेरणादायी गोष्टी शेअर करण्याचा असतो. मात्र आज मागील काही दिवसांपासून मुंबईमध्ये चालत आलेले ३५ हजार शेतकरी हे खऱ्या अर्थाने प्रेरणा देणारे आहेत. या मोर्चामध्ये असणारे वयस्कर लोक आणि त्यांचे अनवाणी पाय पाहून काही उपदेश द्यावा असे वाटत नाही. त्यांचा निर्धार हे प्रेरणेचे उत्तम उदाहरण आहे. महिंद्रा यांच्या या ट्विटला ५ हजारांहून अधिक जणांनी लाईक केले असून जवळपास २ हजार जणांनी ते रिट्विट केले आहे. त्यामुळे महिंद्रांचे सोशल मीडियावरील अस्तित्व पुन्हा एकदा अधोरेखित झाले आहे.

दरम्यान, आपल्या विविध मागण्यांसाठी अखिल भारतीय किसान सभेच्या नेतृत्वाखाली नाशिक ते मुंबई लाँग मार्च काढणाऱ्या शेतकऱ्यांच्या ८० टक्के मागण्या मान्य करण्यात आल्या आहेत. शेतकऱ्यांचे शिष्टमंडळ आणि मंत्रीगटाची बैठक संपल्यानंतर जलसंपदामंत्री गिरीश महाजन यांनी ही माहिती दिली. या मोर्चाला अभूतपूर्व पाठिंबा मिळाला असून काँग्रेस, राष्ट्रवादी काँग्रेस, शिवसेना, मनसेसह सर्व राजकीय पक्षही शेतकऱ्यांच्या मागे उभे राहिले. अत्यंत शिस्तबद्ध मोर्चामुळे कायदा व सुवस्थेचा प्रश्न निर्माण झाला नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2018 7:02 pm

Web Title: tweet of aanand mahindra on kisan long march is motivational
Next Stories
1 मॉरिशसच्या राष्ट्रपतींना खरेदी पडली महागात; राजीनामा देण्याची वेळ
2 डॉक्टरांनी चक्क पगारवाढीचा निषेध करत पुकारले आंदोलन!
3 VIRAL VIDEO : धक्कादायक! मुलांचा सिंहाच्या पिंजऱ्यात प्रवेश, चिमुरडीवर सिंहाचा हल्ला
Just Now!
X