News Flash

विहिरीत पडून दोन अस्वल, दोन पिल्लांचा मृत्यू

ताडोबा अंधारी व्याघ्र प्रकल्प परिसरातील घटना

अस्वलांचे कुटुंब पडलेली हीच ती विहीर.

ताडोबा अंधारी व्याघ्र प्रकल्प परिसरातील घटना

चंद्रपूर : उन्हाची तीव्रता वाढत असताना वन्यप्राणी पिण्याच्या पाण्यासाठी भटकंती करताना ताडोबा अंधारी व्याघ्र प्रकल्पाचे बफर झोन अंतर्गत एका कठडे नसलेल्या विहिरीत पडून दोन अस्वल व दोन पिल्लांचा बुडून करुण अंत झाला. सदर घटना गुरुवारी सकाळच्या सुमारास उघडकीस आली.

दुर्गापूर उपक्षेत्रातील पायली भटाळी नियतक्षेत्रात वढोली येथील कटारिया व टिपले यांच्या खासगी शेतातील कठडे नसलेल्या विहिरीत अंदाजे पाच ते सहा वर्षे वयाची मादी व नर अस्वल आणि त्यांचे दोन पिल्ले अंदाजे वय एक वर्ष ते सहा महिने यांचे मृतदेह पाण्यावर तरंगताना दिसून आले. या घटनेची माहिती मिळताच चंद्रपूर वन विभागाच्या विभागीय वन अधिकारी एस.व्ही. जगताप पथकासह घटनास्थळी पोहचल्या. यावेळी त्यांना दोन मोठय़ा अस्वलांसह त्यांची दोन पिल्ले कठडे नसलेल्या विहिरीत पडून मृत्युमुखी पडल्याचे दिसले. आज शेतात काही लोक गेले असताना त्यांना हे दृश्य नजरेस पडले. ताडोबातून पाण्यासाठी नेहमीच प्राणी बाहेर पडतात. पाण्याच्या शोधात फिरत असतानाच ही घटना घडल्याची शक्यता अधिक आहे. दरम्यान, मृत अस्वलाच्या कुटुंबाला विहिरीबाहेर काढून पशुवैद्यकीय अधिकारी डॉ. कडूकर, डॉ. कुंदन पोडचेलवार यांनी शवविच्छेदन केले. मुख्य वनसंरक्षक एन.आर. प्रवीण यांनी दिलेल्या माहितीनुसार दोन दिवसांपूर्वी अस्वलाचे कुटुंब विहिरीत पडले असावे. विहिरीला कठडे नसल्यामुळे ही दुर्घटना घडली, असे त्यांचे म्हणणे आहे.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2021 12:03 am

Web Title: two bears and two cubs fell into a well and died zws 70
Next Stories
1 पश्चिम विदर्भात बालविवाहाची समस्या गंभीर 
2 चिमुकलीला २०० देशांच्या राष्ट्रध्वजाची ओळख
3 एम.एस. रेड्डीला दोन दिवसांची पोलीस कोठडी
Just Now!
X