चार जण जखमी; काँग्रेस नगरसेवकासह ३१ जणांवर दंगलीचे गुन्हे

अकोला : खामगाव शहरातील शिवाजीनगरात जुन्या वादातून दोन गटांत हाणामारी, दगडफेक व जाळपोळ झाल्याची घटना सोमवारी रात्री १०.४०च्या सुमारास घडली. या घटनेत चार जण जखमी झाले असून, त्यापैकी एकाला गंभीर दुखापत झाली आहे. घटनेत दोन दुचाकी, एक हातगाडी आणि एका दुकानाचे मोठय़ा प्रमाणात नुकसान झाले. याप्रकरणी पोलिसांनी काँग्रेस नगरसेवकासह सुमारे ३१ जणांवर गुन्हा दाखल करून चौघांना अटक केली आहे.

Kapil Dev Says Some people will suffer but no one is bigger than the country
Kapil Dev : “काही लोकांना त्रास होईल, परंतु देशापेक्षा कोणीही…”, कपिल देव यांनी बीसीसीआयच्या ‘त्या’ निर्णयाचे केले स्वागत
Anant Radhika's Pre-Wedding Ceremony Updates in Marathi
MS Dhoni : माही साक्षीसह अनंत राधिकाच्या प्री-वेडिंग सोहळ्यासाठी जामनगरला रवाना, VIDEO होतोय व्हायरल
houses sold in Mumbai
मुंबईमध्ये फेब्रुवारीत ११ हजार ८३६ घरांची विक्री, मागील १२ वर्षांतील फेब्रुवारीमधील सर्वाधिक घरविक्री
Pune pubs
पुण्यात आता मध्यरात्री दीडपर्यंत ‘चिअर्स’… पब, मद्यालयांबाबत पोलीस आयुक्तांचा मोठा निर्णय

शहरातील शिवाजी नगरात कबड्डी स्पर्धेच्या वादातून दोन गटांमध्ये फेब्रुवारीमध्ये वाद झाला होता. सोमवारी काढण्यात आलेल्या मिरवणुकीत पुन्हा हा वाद उफाळून आला. दोन्ही गटांनी एकमेकांवर तुफान दगडफेक केली, तसेच जाळपोळ सुरू केली. या घटनेत पोलीस कर्मचारी दिलीप राजपूत, संदीप टाकसाळ यांच्यासह राहुल तिवारी व विनोद महाडिक जखमी झाले आहेत. विनोद महाडिक यांना गंभीर दुखापत झाल्याने त्यांना रात्रीच अकोल्यातील सवरेपचार रुग्णालयात दाखल करण्यात आले. दोन दुचाकी, एक हातगाडी आणि एका दुकानाचे मोठय़ा प्रमाणात नुकसान झाले. घटनेची माहिती मिळताच पोलिसांचा मोठा ताफा घटनास्थळावर दाखल झाला. पोलिसांनी काही वेळातच परिस्थितीवर नियंत्रण मिळवले.  खामगाव विभागातील शेगाव, हिवरखेड, जलंब, पिंपळगाव राजा येथील पोलिसांची अतिरिक्त कुमक घटनास्थळी तैनात करण्यात आली.

या प्रकरणी  नगरसेवक प्रविण कदम, अश्विन खंडागळे, सूरज बोरकर, सूरज साबळे, अनिकेत जवंजाळ,  उमेश कदम, शैलेश सोले, ओम कदम, भवर सर्व रा. शिवाजी नगर, भाऊ ताराचंद बिडकर, रमेश जाधव, सोनू तिवारी, राजेश मिश्रा, सचिन यादव, राहुल ठोंबरे, गोलू मुधोळकर आदींसह अनेकांवर भादंवि कलम १४७, १४८, १४९, ३५३, ३२३, ४२७, ३३६ नुसार गुन्हा दाखल करण्यात आला. घटनास्थळावरून अश्विन खंडागळे, अनिकेत जवंजाळ, रमेश जाधव, सचिन यादव या चौघांना अटक करण्यात आली आहे. नगरसेवक प्रविण कदम फरार आहे.