News Flash

अकोल्यात करोनामुळे आणखी दोघांचा बळी

अकोल्यात आत्तापर्यंत करोनाचे ९८५ रुग्ण

प्रतिकात्मक छायाचित्र

लोकसत्ता प्रतिनिधी

अकोला जिल्ह्यात करोनामुळे मृत्यू व रुग्ण वाढीचे सत्र सुरूच आहे. जिल्ह्यात शनिवारी करोनाचे आणखी दोन बळी गेले. आतापर्यंत तब्बल ४६ जणांचा मृत्यू झाला आहे. मृत्यूचे प्रमाण व रुग्ण वाढीमुळे जिल्ह्यात चिंताजनक स्थिती निर्माण झाली आहे.

अकोला जिल्हा विदर्भातील करोनाचे ‘हॉटस्पॉट’ ठरले. विदर्भातील करोनाचे सर्वाधिक रुग्ण व मृत्यू अकोला जिल्ह्यातच आहे. करोनाबाधित आढळून येणाऱ्या रुग्णांचा आकडा सातत्याने फुगत आहे. अकोला शहरासह आता ग्रामीण भागातही करोना वेगाने हातपाय पसरतो आहे. अकोल्यातील करोना रुग्णांच्या मृत्यूचे प्रमाणही राज्याच्या तुलनेत अधिक आहे.

जिल्ह्यात आतापर्यंत ९८५ करोनाबाधित रुग्ण आढळून आले आहेत. त्यापैकी ३१४ रुग्णांवर सध्या रुग्णालयात उपचार सुरू आहेत. आतापर्यंत ४६ जणांचा मृत्यू झाला असून, त्यापैकी एकाने आत्महत्या केली. आतापर्यंत ६२५ जणांनी करोनावर मात केल्याने त्यांना रुग्णालयातून सुट्टी देण्यात आली. प्रशासनाने विविध उपाययोजना करूनही अद्यााप करोनावर नियंत्रण मिळवता आले नाही. दररोज वाढणारे मृत्यूचे प्रमाण व रुग्ण संख्या प्रशासनासह नागरिकांसाठी धोक्याची घंटा ठरत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2020 8:49 pm

Web Title: two more deaths in akola due to corona scj 81
टॅग : Coronavirus
Next Stories
1 कॅन्सरग्रस्त तरुणाचा करोनाचा संसर्ग झाल्यानं मृत्यू; संपर्कातील व्यक्तीचे रिपोर्ट निगेटिव्ह
2 ‘बिटा कँरोटीन’ द्रव्यामुळे लोणार सरोवरातील पाण्याच्या रंगात बदल, ‘जिओलॉजीस्ट’चा अंदाज
3 ऑनलाइन आरक्षण करून पर्यटनाला आलेल्याला कुटुंबाला पोलिसांनी प्रवेश नाकारत पाठवलं परत
Just Now!
X