गडचिरोली जिल्ह्यातील कुरखेडा तालुक्यातील दोन आदिवासी नागरिकांची नक्षलवाद्यांनी गोळ्या घालून हत्या केल्याचा प्रकार सोमवारी घडला. मालेवाडा पोलीस मदत केंद्राच्या हद्दीतील कामथळा जंगल परिसरात ही घटना घडली. मतकुरशाह होळी (रा. कामथळा) आणि गंगसू कुमुटी (रा. हुरयादंड) अशी मृत पावलेल्या दोघांची नावे आहेत. या दोघांचे मृतदेह गावकऱ्यांना मिळाले आहेत. हत्येचे कारण अद्याप अस्पष्ट आहे. जंगलामध्ये नक्षल्यांनी गोळ्या घालून या दोघांची हत्या केली. पोलीस पुढील तपास करीत आहेत.