27 February 2021

News Flash

आरक्षण टिकवायचं असेल तर वंचित बहुजन आघाडीच्या हातात सत्ता द्या – प्रकाश आंबेडकर

देशभरात आरक्षणावरुन गोंधळ असल्याची टीका त्यांनी केली आहे

वंचित बहुजन आघाडीचे नेते प्रकाश आंबेडकर यांनी सर्व घटकांचं आरक्षण टिकवायचं असेल तर वंचित बहुजन आघाडीच्या हातात सत्ता द्या असं आवाहन केलं आहे. प्रकाश आंबेडकर सध्या विधानसभा निवडणुकीच्या तयारीला लागले आहेत. यावेळी त्यांनी आरक्षणाच्या मुद्द्यावरुन केंद्र आणि राज्य सरकारवर टीका केली आहे. देशभरात आरक्षणावरुन गोंधळ असल्याची टीका त्यांनी केली आहे.

ओबीसी आणि मराठा आरक्षण टिकवायचं असेल तर वंचित बहुजन आघाडीला सत्ता असं आवाहन करताना प्रकाश आंबेडकरांनी म्हटलं आहे की, “ओबीसींना आपलं २७ टक्के आरक्षण संपुष्टात येईल अशी भीती वाटत आहे. मराठा आरक्षणाला विरोध करणारी याचिकाही सर्वोच्च न्यायालयात दाखल करण्यात आली आहे. लोकांच्या मनात भीती निर्माण झाली आहे. मात्र ही भीती दूर करण्यासाठी काँग्रेस, राष्ट्रवादी, भाजपा किंवा शिवसेना कोणीही प्रयत्न करताना दिसत नाही”.

वंचित बहुजन आघाडीचाच काँग्रेसला ४० जागा देण्याचा प्रस्ताव
वंचित आघाडीत बिघाडी; लक्ष्मण मानेंनी मागितला प्रकाश आंबेडकरांचा राजीनामा

“ओबीसी आरक्षणाला ‘अ’ आणि मराठा आरक्षणाला ‘ब’ असा गट देत विभागणी केली असती तर तर ओबीसी आरक्षण जाईल अशी भीती निर्माण होणार नाही. ओबीसी आरक्षण शाबूत ठेवण्यासाठी वंचित बहुजन आघाडीच्या पाठीशी उभं राहण्याची गरज आहे. मराठा आणि ओबीसी आरक्षण आम्ही कायद्याच्या चौकटीत राहून देऊ”, असं प्रकास आंबेडकर यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2019 5:06 pm

Web Title: vanchit bahujan aghadi prakash ambedkar appeals vidhansabha election maratha obc reservation sgy 87
Next Stories
1 २०० रुपयांच्या कर्जफेडीसाठी केनियाचा खासदार तेवीस वर्षांनंतर पोहोचला औरंगाबादेत
2 इंधनदरवाढीविरोधात राष्ट्रवादी युवकचे ‘रिक्षा ओढो’ आंदोलन
3 महाराष्ट्रात मांत्रिकाच्या सांगण्यावरुन गुप्त खजिन्यासाठी ५० दिवस पत्नीचे हाल
Just Now!
X