News Flash

बनावट मद्यसाठय़ासह वाहने जप्त

शिरपूर तालुक्यातील पनाखेड शिवारातील एका हॉटेलमधून पोलिसांनी ११ वाहनांसह मद्यसाठा जप्त केला. या सर्व ऐवजाची किंमत कोटीच्या घरात आहे. मुंबई-आग्रा महामार्गावरील पनाखेड शिवारातील हॉटेल भिवानी

| February 25, 2013 03:15 am

शिरपूर तालुक्यातील पनाखेड शिवारातील एका हॉटेलमधून पोलिसांनी ११ वाहनांसह मद्यसाठा जप्त केला. या सर्व ऐवजाची किंमत कोटीच्या घरात आहे. मुंबई-आग्रा महामार्गावरील पनाखेड शिवारातील हॉटेल भिवानी येथे रसायने आणि देशी-विदेशी मद्याचा बेकायदेशीर व्यापार-व्यवहार होणार असल्याची माहिती अपर पोलीस अधीक्षक अखिलेशकुमार सिंह यांना मिळाली. त्यानुसार मध्यरात्री हॉटेलवर पोलिसांनी छापा टाकला असता दोन टँकर, आठ ट्रक आणि एक पिकअप वाहन संशयास्पद स्थितीत उभे असलेले दिसले. या वाहनातील रसायने आणि अन्य साहित्याची तपासणी केली असता एका वाहनात बीअरच्या बाटल्यांची एक हजार खोकी, व्हिस्कीची ५७५ खोकी आढळली. दोन्ही टँकरमध्ये कित्येक लिटर रसायन आढळले. विशाखापट्टणम येथून या रसायनांची वाहतूक केली जात असल्याची माहिती पोलिसांनी दिली. सायंकाळपर्यंत या प्रकरणी गुन्हा दाखल झाला नव्हता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 25, 2013 3:15 am

Web Title: vehicles with fake liquor stok seize
टॅग : Seize
Next Stories
1 धनवानांनी चारा छावण्या सुरू कराव्यात;
2 ‘सेवा प्रबोधिनी’च्या निबंध स्पर्धेत नाशिकचा गणेश जाधव प्रथम
3 बारावीच्या विद्यार्थ्यांना सात गुणांची लॉटरी
Just Now!
X