News Flash

VIDEO: रस्त्याची दुरूस्ती न केल्याने आंदोलकांचा सरकारी कार्यालयात नागीण डान्स

अधिकाऱ्यांच्या उदासीन वृत्तीला कंटाळलेल्या आंदोलकांनी अभिनव पद्धतीने आपला निषेध व्यक्त केला.

Nagin dance to protest against PWD : आंदोलकांचा हा पवित्रा पाहून सरकारी अधिकाऱ्यांकडे त्यांच्याकडे पाहत बघण्याशिवाय गत्यंतर उरले नव्हते. अखेर पोलिसांनी हस्तक्षेप करत आंदोलकांना कार्यालयातून बाहेर काढले.

एखाद्या गोष्टीचा निषेध करण्यासाठी आंदोलक कोणत्या मार्गाचा वापर करतील याचा नेम नसतो. याच गोष्टीचा प्रत्यय बुलढाण्यातील सार्वजनिक बांधकाम विभागाच्या कार्यालयात आला. याठिकाणी आंदोलकांनी सार्वजनिक बांधकाम विभागाच्या कार्यालयात चक्क नागीण डान्स करून आपला निषेध व्यक्त केला. या घटनेचा व्हिडिओ सध्या सोशल मिडीयावर व्हायरल झाला आहे. या परिसरातील छत्रपती शिवाजी मार्केटमधील रस्त्याची दुरावस्था झाली आहे. त्यामुळे नागरिकांकडून या रस्त्याची डागडुजी करण्याची मागणी गेल्या अनेक दिवसांपासून केली जात होती. मात्र, सार्वजनिक बांधकाम विभागाचे अधिकारी या मागणीकडे ढुंकूनही पाहत नव्हते. अखेर अधिकाऱ्यांच्या उदासीन वृत्तीला कंटाळलेल्या आंदोलकांनी अभिनव पद्धतीने आपला निषेध व्यक्त केला. यावेळी साधारण दहा आंदोलक सार्वजनिक बांधकाम विभागाच्या कार्य़ालयात आले आणि त्यांनी नागीण डान्स करायला सुरूवात केली. आंदोलकांचा हा पवित्रा पाहून सरकारी अधिकाऱ्यांकडे त्यांच्याकडे पाहत बघण्याशिवाय गत्यंतर उरले नव्हते. अखेर पोलिसांनी हस्तक्षेप करत आंदोलकांना कार्यालयातून बाहेर काढले. मात्र, निषेधाची ही अभिनव पद्धत सोशल मिडीयावर व्हायरल झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2016 4:17 pm

Web Title: video locals stage nagin dance to protest against pwd
Next Stories
1 महिलांना मंदिर प्रवेशापेक्षा आर्थिक सक्षमीकरणाची गरज – पंकजा मुंडे
2 नागोठणे परिसरातील रस्त्यांची दुरवस्था
3 रायगड जिल्ह्य़ातील अनेक भागांत पाणीटंचाईची समस्या
Just Now!
X