23 January 2021

News Flash

वर्धा : करोनामुळे मृत्यू झालेल्या पोलिसाच्या कुटुंबास ५० लाखांचा धनादेश

पोलीस अधिक्षक प्रशांत होळकर यांनी आर्थिक मदत लवकर मिळावी यासाठी केले प्रयत्न

करोना महामारीच्या काळात जीवावर उदार होऊन कर्तव्य पार पाडत असतांना, करोनाची लागण झाल्याने मृत्यू झालेल्या पोलीस हवालदार विलास बालपांडे यांच्या कुटुंबीयांना आज ५० लाख रूपयांचा धनादेश देण्यात आला.

जिल्हा पोलीस दलातील विलास बालपांडे यांचे २ सप्टेंबर रोजी निधन झाले होते. करोना कर्तव्य काळात बालपांडे यांना करोना विषाणूची लागण झाली होती. मात्र उपचारादरम्यान त्यांचे निधन झाले. कर्तव्यावर असतांना मृत्यू झाल्यास वारसदारास ५० लाख रूपये सानुग्रह अनुदान देण्याचा शासन निर्णय आहे. शहीद झालेल्या पोलीस कर्मचाऱ्यांच्या वारसांना आर्थिक हातभार लावावा म्हणून करण्यात येत असलेली ही मदत तत्परतेने मिळावी, यासाठी पोलीस अधिक्षक प्रशांत होळकर यांनी पोलीस महासंचालक कार्यालयाशी संपर्क साधला. एक महिन्याच्याआत सानुग्रह अनुदान मिळवून देण्यासाठी प्रयत्न केले.

आज पोलीस अधिक्षक कार्यालयात शहीद हवालदार बालपांडे यांच्या पत्नी जया विलास बालपांडे यांना मदतीचा धनादेश प्रदान करण्यात आला. सदर कुटुंबास भविष्यात कुठल्याही प्रकारची अडचण आल्यास तत्परतेने मदत करण्याची हमी पोलीस अधिक्षक होळकर यांनी यावेळी दिली. यावेळी अप्पर पोलीस अधिक्षक निलेश मोरे प्रामुख्याने उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 5, 2020 5:48 pm

Web Title: wardha a check of rs 50 lakh to the family of a policeman who died due to corona msr 87
Next Stories
1 Hathras Gangrape : ‘ओढणी गळ्यात टाकून तिला खेचत नेलं आणि…’; जाणून घ्या १४ सप्टेंबरला नक्की काय घडलं
2 ‘या’ प्रसिद्ध दिग्दर्शकावर आली भाजी विकण्याची वेळ
3 भारतातही सुरु होणार ‘कुठेच न नेणारी विमानसेवा’; एअर इंडियाची अनोखी योजना
Just Now!
X