News Flash

डहाणू शहरातील पश्चिम भागात पाणीटंचाई

केवळ अर्धा तास पिण्याचे पाणी

(संग्रहित छायाचित्र)

शहरासाठी सुजल निर्मल अभियान शहर पाणीपुरवठा योजनेसाठी ३० कोटी खर्च करूनही डहाणू शहराच्या पाण्याचा प्रश्न पूर्ण सुटलेला नाही. पश्चिाम भागातील ईराणी रोड, घाचीया, वडकून, आगर, पारनाका, प्रभुपाडा येथील संकुलांना केवळ अर्धा तास पिण्याचे पाणी मिळत आहे. त्यामुळे येथील नागरिक त्रस्त आहेत.

साखरा धरणातून सरावली-सावटामार्गे जलवाहिनी टाकून डहाणू शहराला पिण्याच्या पाण्याचा प्रश्न सोडवण्याचा महत्त्वाकांक्षी प्रकल्प डहाणू नगर परिषदेने आखला आहे. त्यातील त्रुटी दूर करून डहाणूच्या नागरिकांना पिण्याचे पाणी उपलब्ध करून देण्याची मागणी आहे.

पाण्याचा प्रश्न सोडवण्यासाठी सन २०१३ मध्ये सुजल निर्मल अभियान शहर पाणीपुरवठा योजना मंजूर करण्यात आली. यानुसार मुख्य संतुलित जलकुंभासह डहाणू शहरात मसोली प्रभुपाडा, वडकूण जलकुंभ, केटीनगर उंच जलकुंभ, लोणीपाडा उंच जलकुंभ, सरावली उंच जलकुंभ, डहाणू गावठाण उंच जलकुंभ असे सहा जलकुंभ उभारण्यात आले आहेत. या योजनेतून डहाणू पूर्वेकडील रहिवासी संकुलांना पिण्याच्या पाण्याचा नियमित पुरवठा होत आहे. मात्र पश्चिामेकडे अनेक कामे अपूर्ण राहिल्याने केवळ अर्धा तास पिण्याचे पाणी उपलब्ध होत आहे. याविषयी नगराध्यक्ष भरत राजपूत यांनी पाण्याचा नियमित पुरवठा सुरू असून पाणी समस्येकडे गांभीर्याने लक्ष देणार असल्याचे सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 14, 2021 12:53 am

Web Title: water scarcity in the western part of dahanu city abn 97
Next Stories
1 प्राणवायूचाही काळाबाजार?
2 वसई-विरारमधील उपचाराधीन रुग्ण साडेपाच हजारांपेक्षा अधिक
3 लग्नसराई, यात्राउत्सव निर्बंधांमुळे व्यावसायिक अडचणीत
Just Now!
X