News Flash

सहकारमंत्री चंद्रकांत पाटील यांच्या फॅन्सी नंबर प्लेटच्या गाडीवर कारवाई होणार – रावते

गाडीची नंबर प्लेट बीजेपी या अक्षरांमध्ये डिझाईन केली आहे.

वाहतुक नियमांचे उल्लघंन करणारे सहकारमंत्री चंद्रकांत पाटील यांच्या फॅन्सी नंबर प्लेटच्या गाडीवर कारवाई करण्याचे आदेश परिवहन मंत्री दिवाकर रावते यांनी दिले आहेत.
चंद्रकांत पाटील शनिवारी सोलापूर दौऱ्यावर गेले होते. त्यावेळी त्यांनी वापरलेल्या गाडीची नंबरप्लेट फॅन्सी स्टाईलने लिहिल्याचे आढळले. या गाडीची नंबर प्लेट ‘बीजेपी’ या अक्षरांमध्ये डिझाईन केली होती. या गाडीचा क्रमांक एमएच १३ सीएफ८११० असा आहे. मात्र, पाटील यांच्यासोबत असलेल्या पोलिसांनी त्यावर आक्षेप घेतला नाही. वृत्तवाहिनीवर यासंबंधीचे वृत्त प्रसिध्द झाल्यानंतर दिवाकर रावते यांनी पाटील यांच्या फॅन्सी नंबर प्लेटच्या गाडीवर कारवाई करण्याचे आदेश दिले आहेत.
एकीकडे महाराष्ट्रातले युती सरकार हेल्मेटची सक्ती करत असताना सरकारमधील मंत्रीच वाहतुकीच्या नियमांचे उल्लंघन करत असल्याचे चित्र आहे. त्यामुळे सामान्यांना ज्या कायद्यांची सक्ती केली जाते ते कायदे मंत्र्यांना लागू होत नाहीत का? असा प्रश्न विचारला जाऊ लागला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 7, 2016 2:13 pm

Web Title: we will take action on minister chandrakant patil fancy number plate car says diwakar raote
टॅग : Chandrakant Patil
Next Stories
1 शनिशिंगणापूरचा वाद मुख्यमंत्र्यांकडे
2 श्रीमंती खेळासाठी हजारो वृक्षांची कत्तल?
3 चंद्रपूर महाऔष्णिक वीज केंद्रातील कन्व्हेअर बेल्टसह कोळशाची राख
Just Now!
X