News Flash

धक्कादायक! साताऱ्यात कोविड केंद्राच्या दारातच उपचाराअभावी महिलेचा मृत्यू

महिला तब्बल पाच तास दारात थांबून होती.

वाई तालुक्यातील एका ५७ वर्षीय महिलेला अचानक धाप लागू लागल्याने तिच्या कुटुंबियाने तिला उपचारासाठी वाई येथील रुग्णालयात दाखल केले. तेथून प्राणवायू पातळी कमी झाल्याने शनिवारी रात्रीच तिला पुढील उपचारासाठी साताऱ्यात आणले. बेड कुठे मिळेल म्हणून शोधशोध केली.

जंबो कोविड रुग्णालयाच्या दारात रुग्णवाहिका आणण्यात आली. तेथे रुग्णालय व्यवस्थापनाने बेड उपलब्ध नसल्याने प्रवेश दिला नाही. दारातच तब्बल पाच तास थांबल्याने त्या महिलेचा सांयकाळी मृत्यू झाला. नातेवाईकांनी याची कल्पना रुग्णालयांतील व्यवस्थापनाशी दिली. त्यावरुन नातेवाईकांना ईसीजी वगैरे सांगत वेळ काढला. यामुळे नातेवाईक संतप्त झाले.

तसेच डॉक्टरांनी तपासणी करुन पुढचा अहवाल येईपर्यंत थांबण्यास सांगितले. त्यावरुन तीव्र संताप व्यक्त करण्यात आला.या गोंधळात महिलेचा उपचाराभावी सातारा जिल्हा जंबो कोविड रुग्णालयाच्या दारातच मृत्यू झाला. “जागा मिळेल थांबा असे एक कर्मचारी सांगत होता.उशिरा आलेल्या रुग्णांना उपचारासाठी आत घेतले जात होते परंतु दारात उपचारासाठी थांबलेल्या रुग्णाला प्रवेश न मिळता रुग्णांची भरती ही चक्क वशिलेबाजीने सुरु होती. त्यामुळे आम्हाला दुर्देवाने वाटच पहावी लागली त्यातच आमच्या रुग्ण जीवंत राहिला नाही”, असा उद्वेग त्या कुटुंबियांनी व्यक्त केला आहे. तर, रुग्णालय प्रशासनाच्या गलथान कारभारामुळे हा मृत्यू झाल्याचा आरोप महिलेच्या नातेवाईकांनी केला आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 26, 2021 8:50 pm

Web Title: women dead in front of jumbo covid care centre in satara vsk 98
Next Stories
1 परमबीर सिंग यांच्यावर भ्रष्टाचाराचे गंभीर आरोप, इन्स्पेक्टरने पोलीस महासंचालकांकडे केली तक्रार
2 ‘…तोपर्यंत WhatsApp Admin ला दोषी ठरवता येणार नाही’; उच्च न्यायालयाचा मोठा निर्णय
3 …हा मोदी सरकारचा धूर्तपणा आहे; कृपया खोटं बोलणं थांबवा – सचिन सावंत
Just Now!
X