News Flash

सी ६० कमांडोंबरोबर चकमकीत महिला नक्षलवादी ठार

नक्षलवादी आणि नक्षल विरोधी अभियान राबविणाऱ्या पोलीस दलात चकमक उडाली असता एक महिला नक्षली ठार झाल्याची माहिती आहे.

संग्रहित प्रतिकात्मक छायाचित्र

गडचिरोली जिल्ह्यातील एटापल्ली तालुक्यातील पेंढरी पोलीस उपविभागांतर्गत येणाऱ्या जारावंडी पोलीस मदत केंद्रांतर्गतील सिनभट्टीच्या जंगलात आज नक्षलवादी आणि नक्षल विरोधी अभियान राबविणाऱ्या पोलीस दलात चकमक उडाली असता एक महिला नक्षली ठार झाल्याची माहिती आहे. सदर महिला नक्षलीचा मृतदेह पोलिसांनी चकमकीनंतर केलेल्या शोध अभियानादरम्यान ताब्यात घेण्यात आला आहे.

या जंगलात नक्षल शोध अभियान सुरू आहे. आज शनिवारी दुपारी ३ ते ३:३० दरम्यानची घटना असून अभियानावर तैनाात दल मोहीम राबवित असताना अचानक जंगलातून गोळीबार झाला. प्रत्युतरादाखल सी ६० च्या कमांडोंनी नक्षल्यांचे दिशेने जोरदार फायर केले.

त्यामुळे नक्षली पळून गेले. त्यानंतर घटनास्थळाचा शोध घेतला असता एका महिला नक्षलवाद्याचा मृतदेह मिळाला आहे. नक्षलविरोधी पथक तथा सी-६० पथक जंगलात शोध मोहिम राबवित आहे. पोलीस अधिक्षक शैलेश बलकवडे यांच्या मार्गदर्शनात ही मोहिम राबविण्यात आली. दरम्यान दलम छत्तीगड आहे की महाराष्ट्र हे कळू शकले नाही.

मृत महिला नक्सलीचे नाव सृजनक्का आहे. चतगाव व कसनसूर दलमची जबाबदारी तिच्याकडे होती. नक्सलच्या विभागीय सामीतिची सदस्य होती. तिच्यावर अनेक हत्या, मारहाण, शासकीय मालमत्तेची जाळपोळ, अपहरण यासह असंख्य गुन्हे दाखल आहेत. सृजनक्काच्या मृत्यूने चळवळीला जबर धक्का बसला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2020 8:38 pm

Web Title: women naxal killed in encounter dmp 82
Next Stories
1 ज्यांच्यासोबत पाच वर्षे राज्य चालवलं त्यांच्याशी फोनवर बोलावंसं वाटलं नाही? फडणवीस यांचा उद्धव ठाकरेंना प्रश्न
2 जलयुक्त शिवार आमच्या काळातील सर्वात महत्त्वाचा निर्णय : फडणवीस
3 तोंडाला मास्क न बांधता रावसाहेब दानवे आणि धनंजय मुंडेंमध्ये चर्चा
Just Now!
X