News Flash

तानाजी सावंत यांची पक्षविरोधी भूमिका, भाजपाशी केली जवळीक

मंत्रिपद न मिळाल्यामुळे तानाजी सावंत यांनी आपली नाराजी उघडपणे बोलून दाखवली होती.

( तानाजी सावंत यांचे संग्रहित छायाचित्र )

माजी मंत्री आणि शिवसेनेचे आमदार तानाजी सावंत यांनी जिल्हा परिषद निवडणुकीत बंडखोरी केली आहे. तानाजी सावंत यांच्या बंडखोरीमुळे उस्मानाबाद जिल्हा परिषदेत भाजपाने विजयाच्या दिशेने आगेकूच केली आहे. तानाजी सावंत आपल्या सहा सदस्यांसह भाजपाच्या गोटात दाखल झाल्यामुळे भाजपाचे संख्याबळ ३२ झाले आहे. उस्मानाबाद जिल्हा परिषद अध्यक्षपदासाठी अस्मिता कांबळे आणि उपाध्यक्षपदासाठी धनंजय सावंत हे भाजपचे उमेदवार आहेत. तानाजी सावंत यांचे पुतणे धनंजय सावंत यांना महाआघाडीकडून उपाध्यक्ष पद मिळावं यासाठी प्रयत्न केले होते. महाआघाडीतून पुतण्याला उपाध्यक्षपद मिळत नसल्याचे समजताच तानाजी सावंत यांनी भाजपासोबत घरोबा केला आहे.

मंत्रिपद न मिळाल्यामुळे तानाजी सावंत आधाची नाराज होते. आपल्या पुतण्याला उस्मानाबाद जिल्हा परिषदेत उपाध्यक्ष पद महाविकास आघाडीनं नाकारल्यामुळे तानाजी सावंत यांनी बंडखोरी केली. एबीपी माझाच्या वृत्तानुसार, तानाजी सावंत यांच्या बंडखोरीनंतर मुख्यमंत्री उद्धव ठाकरे आणि अनिल देसाई यांनी त्यांच्याशी संपर्क साधण्याचा प्रयत्न केला. मात्र तानाजी सांवत यांच्याकडून काहीही प्रतिसाद मिळाला नाही.

मंत्रिपद न मिळाल्यामुळे तानाजी सावंत यांनी आपली नाराजी उघडपणे बोलून दाखवली होती. त्यानंतर उस्मानाबाद जिल्हा परिषद अध्यक्ष, उपाध्यक्ष निवडणुकीत तानाजी सावंत यांनी आपला पुतण्या धनंजय सावंत यांना महाविकास आघाडीतून उपाध्यक्ष पद मिळावं यासाठी प्रयत्न केले होते. मात्र महाआघाडीतून आपल्या पुतण्याला उपाध्यक्षपद देत नसल्यामुळे नाराज तानाजी सावंत भाजपासोबत जाणं पसंत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 8, 2020 2:58 pm

Web Title: zilha parishad election 2020 shivsena leader tanaji sawant osmanabad zp election nck 90
Next Stories
1 मनसेच्या नव्या झेंड्याला संभाजी ब्रिगेडचा विरोध, राज ठाकरेंना दिला ‘हा’ इशारा
2 लेकीच्या पदस्पर्शानं कारची पूजा करणाऱ्या पित्यानं जिंकलं अशोक चव्हाणांचं मन
3 ZP election 2020: देवेंद्र फडणवीसांना घरच्या मैदानावरच धक्का
Just Now!
X