News Flash

चंद्रकांतदादा म्हणतात ‘नोटा’ चा वापर लोकशाहीसाठी घातक

उपलब्ध उमेदवारांपैकी चांगल्या उमेदावारास मतदान करण्याचेही मतदारांना केले आवाहन

(संग्रहित छायाचित्र)

मतदानावेळी ‘नोटा’ या पर्यायाचा वापर करणे योग्य नाही, ही गोष्ट लोकशाहीसाठी घातक आहे. मतदारांनी उपलब्ध उमेदवारांपैकी जो चांगला उमेदवार आहे त्याला मतदान करावे, असे भाजपाचे प्रदेशाध्यक्ष, महसूलमंत्री चंद्रकांतदादा पाटील यांनी म्हटले आहे.

चंद्रकातदादा पुण्यातील कोथरूड मतदार संघातून विधानसभा लढवत आहेत. मात्र ते या मतदारसंघातील नसल्याने त्यांना उमेदवारी जाहीर झाल्यापासून स्थानिकांच्या नाराजीचा काहीप्रमाणात सामना करावा लागत आहे. अशावेळी मतदारांकडून मतदान करतेवेळी ‘नोटा’ या पर्यायाचा वापर देखील होण्याची शक्यता असल्याने, चंद्रकांतदादांनी ‘नोटा’ बद्दल केलेल्या विधानाला महत्त्व आहे.

चंद्रकांतदादा यांनी म्हटले आहे की. ‘नोटा’ चा वापर करणे ही गोष्ट लोकशाहीमध्ये योग्य नाही. डावं – उजवं असू शकतं. एक कोणीतरी उमेदवार आवडत नसेल, तर मग असलेल्या उमेदवारांपैकी बरा उमेदवार जो आहे त्याला मतदान करावे. उपलब्ध असणाऱ्यांपैकी चांगला असलेल्या उमेदवाराला मतदान करण्यासाठी आपण बाहेर पडलं पाहिजे, त्याला मतदान केलं पाहिजे. ‘नोटा’ हे लोकशाहीला घातक आहे. झी चोवीस तासशी बोलताना चंद्रकांतदादांनी  मत व्यक्त केले.

विशेष म्हणजे कोथरुडमध्ये चंद्रकांत पाटील यांना भाजपाने उमेदवारी दिल्यानंतर त्यांच्याविरोधात नोटा वापरण्याची देखील मोहीम राबवण्यात आली होती. तसेच बॅनरबाजी करत बाहेरचा उमेदवार नको घरचाच हवा, अशी देखील मतदारांकडून मागणी करण्यात आली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2019 3:07 pm

Web Title: chandrakant dada says the use of nota is dangerous for democracy msr 87
Next Stories
1 दिग्गज भाजपा नेत्यांच्या जावयांची टक्कर…
2 पंतप्रधान नरेंद्र मोदींमुळेच अनुच्छेद ३७० हटवणं शक्य झालं : अमित शाह
3 अभिमानास्पद! महाराष्ट्रात उभारणार कृष्णविवरांचा शोध घेणारी ‘लायगो’ प्रयोगशाळा
Just Now!
X