05 July 2020

News Flash

भाजपा सरकारने सुशिक्षित बेरोजगारांची फसवणूक केली : धनंजय मुंडे

धनंजय मुंडे यांचा सरकारवर निशाणा

(संग्रहित छायाचित्र)

केंद्रातील नरेंद्र मोदी सरकार आणि राज्यातील फडणवीस सरकारने मेगाभरती, महापोर्टल, ऑनलाईन भरती यांच्या नावाखाली सुशिक्षित बेरोजगारांची सर्वात मोठी फसवणूक केली असा आरोप विधानपरिषदेचे विरोधी पक्ष नेते धनंजय मुंडे यांनी केला. राष्ट्रवादी काँग्रेसचे अध्यक्ष शरद पवार यांच्या उपस्थितीत जालना या ठिकाणी आयोजित केलेल्या कार्यकर्त्यांच्या मेळाव्यात ते बोलत होते.

तरुणांना रोजगार नाही, कारखाने, कंपन्या बंद पडत आहेत . सरकारची फसवी नोकरभरती ही मुळात तरुणांसाठी नव्हतीच. ती तर त्यांचा पक्ष भरण्याची जाहिरात होती हे आता सिद्ध झाले आहे. खोट्या आश्वासनांचं गाजर देत मोदींनी तरूणांना वेडं करून सोडलं होतं. आता तरी शहाणे व्हा. डोळे उघडा. सोडा त्या मोदींचा नाद. हे सरकार बरखास्त केल्याशिवाय आता आपल्याला शांत राहायचं नाही असा निर्धारही मुंडे यांनी केला.

भगवान की लाठी जब चलती है तब… शरद पवार यांचंही तसंच आहे… मारत नाही पण मार बसला की तो पुन्हा उठत नाही. म्हणूनच पवार साहेबांचा नाद कधी करायचा नाही. राष्ट्रवादीला संपवणे काही सोपे नाही असे मुंडे म्हणाले.

पोलिसांना दिली समज

मागील काही दिवसात पोलिसांवरचा ताण खूप वाढला आहे. आमच्या सभेत पोलीस तरुणांना डी सर्कलमध्ये येण्यासाठी अडवत होते. पोलिसांना माझी विनंती आहे की आमच्या या सभेतील जनता शरद पवार यांच्या प्रेमापोटी आलेली आहे. महाजनादेश यात्रेची गोष्ट वेगळी आहे तिथे मुख्यमंत्री रोषाचे धनी आहेत अशा शब्दात पोलिसांना समज दिली आणि सरकारला चिमटा लगावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2019 9:21 pm

Web Title: dhananjay munde criticized bjp on unemployment issue scj 81
Next Stories
1 मनसेला आघाडीसोबत का घेतलं नाही? शरद पवार म्हणतात…
2 पुलावामासारखं काही घडलं नाही तर महाराष्ट्रात सत्तांतर अटळ : शरद पवार
3 दुर्दैवी ! गाढ झोपेत असताना कोसळली घराची भिंत, गर्भवती महिलेसह सहा वर्षाच्या मुलाचा मृत्यू
Just Now!
X