विधानसभा निवडणुकीच्या निकालाला १८ दिवस उलटल्यानंतरही राज्यातील सत्तास्थापनेचा तिढा सुटलेला नाही. राज्यपालांनी भाजपाला सत्तेस्थापनेसाठी शनिवारी आमंत्रण दिले होते. मात्र "विधानसभा निवडणुकीत राज्यातील जनतेने दिलेला जनादेश हा भाजपा-शिवसेना, रिपाई, रासपा, शिवसंग्राम अशा सर्व घटक पक्षांना होता. तथापि सरकार बनविण्यासाठी शिवसेना राजी नाही. त्यामुळे महाराष्ट्रातील जनतेने दिलेल्या जनादेशाचा अपमान न करण्याचा निर्णय भाजपाने घेतला आहे. त्यामुळे आम्ही सरकार स्थापन करणार नाही. काँग्रेस आणि राष्ट्रवादी काँग्रेसला सोबत घेऊन शिवसेनेला सरकार बनवायचे असेल तर त्यासाठी आमच्या शुभेच्छा!," असं भाजपाचे प्रदेशाध्यक्ष चंद्रकांत पाटील यांनी स्पष्ट करत भाजपा सत्ता स्थापन करणार नाही असं सांगितलं. त्यानंतर राज्यामध्ये दोन्ही काँग्रेसला बरोबर घेऊन सत्ता स्थापन करण्यासाठी शिवसेनेने हलचाली सुरु केल्या आहेत. यामुळेच राज्यात आता 'महाशिवआघाडी'ची म्हणजेच शिवसेना, राष्ट्रवादी काँग्रेस आणि राष्ट्रवादी काँग्रेसचे सरकार स्थापन करण्यासाठी हलचाली सुरु झाल्या आहेत. मात्र याच पार्श्वभूमीवर नेटकऱ्यांना आठवले आहेत ते काँग्रेसमधून भाजपामध्ये गेलेले नारायण राणे आणि त्यांच्याबद्दल उद्धव ठाकरेंनी विधानसभा निवडणुकीच्या प्रचारादरम्यान त्यांच्याबद्दल केलेले ते वक्तव्य. राज्यामध्ये 'महाशिवआघाडी'ची सत्ता आल्यास भाजपाला विरोधीपक्षात बसावे लागणार आहे. त्यामुळेच नेटकऱ्यांनी आता महाभरतीमध्ये आपले आपले पक्ष सोडून भाजपामध्ये दाखल झालेल्या नेत्यांची खिल्ली उडवण्यास सुरुवात केली आहे. अनेकांनी नारायण राणे, हर्षवर्धन पाटील, राधाकृष्ण विखे पाटील, गणेश नाईक अशा अनेक नेत्यांच्या नावाने वेगवेगळे ट्विटस केले आहेत. मात्र सर्वात जास्त चर्चा आहे ती नारायण राणे आणि त्यांच्या मुलांची. अनेकांनी राणे कुटुंबाला पुन्हा विरोधीपक्षात बसावे लागणार असण्यावरुन ट्रोल केले आहे. अनेकांना उद्धव ठाकरेंनी १६ ऑक्टोबरच्या कणकवलीच्या सभेत केलेली टीकाही अनेकांना आठवली असून त्यांची भविष्यवाणी खरं ठरल्याचं म्हटलं आहे. काय म्हणाले होते उद्धव ठाकरे 'नारायण राणे ज्या पक्षात जातात त्या पक्षाची वाट लागते. त्यांनी काँग्रेसची विल्हेवाट लावली आणि आता ते भाजपात गेले आहेत. राणेंच्या भाजप प्रवेशाबद्दल माझ्याकडून भाजपला शुभेच्छा', असा टोलाच उद्धव यांनी कणकवलीच्या सभेत लगावला होता. 'मित्राच्या घरात चोर घुसत असताना शांत बसणे शक्य नाही. मी येथे टीका करण्यासाठी आलो नाही तर भाजपला सावध करण्यासाठी आलो आहे,' असंही उद्धव यावेळी म्हणाले होते. दहा रुपयांत जेवण देणार ते मातोश्रीत शिजवणार का, असा सवाल नारायण राणेंनी आपल्या भाषणामध्ये आधी केला होता. त्याचाही समाचार उद्धव यांनी आपल्या भाषणातून घेतला होता. राणेंवर या टीकेवरुन पलटवार करताना उद्धव यांनी राणेंचा एकेरी उल्लेख केला होता. 'जो मातोश्रीच्या मिठाला जागला नाही तो मला काय शिकवणार? भाजप आणि शिवसेनेत मिठाचा खडा टाकण्याचे उद्योग करू नको', असा सल्ला उद्धव यांनी राणे यांना दिला आहे. याच टीकेवरुन अनेकांनी राणेंना ट्रोल केले आहे. उद्धव ठाकरे योग्यच म्हणाले होते @ShivSena @OfficeofUT @AUThackeray अन् निलेश राणे तुला जेल ची काळ कोठडी. उद्धव ठाकरे योग्यच म्हणाले होते.. हे राणे जेथे जातील त्या पक्षाची वाटच लावतील — Deepikatawar7 (@deepikatawar7) November 8, 2019 भाजपला पण विरोधी पक्षात बसवले "नारायण राणे" पायगुण च खराब आहे भाजप ला पण विरोधी पक्षात बसवले आहे — Pune_Kolhapur_Goa A320 (@sanatpatil6391) November 10, 2019 हॅलो. हॅलो.विखे बोलतोय येऊ का परत??? हॅलो..शिवेंद्रराजे बोलतोय येऊ का परत??? हॅलो..हर्षवर्धन बोलतोय येऊ का परत??? हॅलो..राणे बोलतोय येऊ का परत??? हॅलो..नाईक बोलतोय येऊ का परत??? हॅलो..मोहिते बोलतोय येऊ का परत??? #MaharashtraWithShivsena — सुजित जाधव पाटील (@sujitgr8) November 10, 2019 Thank you नारायण राणे Thank you ! pic.twitter.com/5F8SgBVWwI — Wise Indian (@wiseman1961) November 11, 2019 ईडीने घालवले अच्छे दिन ईडीने घालवले अच्छे दिन.! -राणे,मोहिते,नाईक,हर्ष-राणा पाटील,वाघ,पिचड,क्षिरसागर अँड कंपनी.. — jagannath kakdepatil (@jkakdepatil) November 11, 2019 खांद्याला खांदा लावून काम बरं नितेश राणे यांनी आदित्य ठाकरे यांच्यासोबत खांद्याला खांदा लावून काम करण्याची #इच्छा व्यक्त केली होती आता ती पूर्ण कशी होणार.. — Śwàrûp Ŕahâne (@swaruprahane88) November 11, 2019 साडेसाती. हे खर आहे का? ज्या पक्षात राणे जातात त्या पक्षाची साडेसाती चालु होते.#MaharashtraWithShivsena — Vaibhav Tulaskar - वैभव तुळसकर (@V_Tulaskar) November 11, 2019 पप्पा आता काय करायचे पप्पा आता काय करायचे ? राणे - तू मिझोराम नेशनल फ्रंट तू नागलेंड मुक्ती मोर्चा पप्पा तुम्ही ? मी मालवण किराणा भुसार व ढेप व्यापारी संघटनेत जातो बघतो काही जमते का @mahashivaaghadi pic.twitter.com/7V0hkyQr6Y — #महाशिवआघाडी (@mahashivaaghadi) November 10, 2019 या वेळी सुद्धा या वेळी सुद्धा @RVikhePatil च विरोधी पक्ष नेते का? राणे साहेब.#महाशिवआघाडी #महाराष्ट्रविधानसभानिवडणूक #भाजप #bjpshivsena @MeNarayanRane काय साला नशीब असतं ना लोकांचं..!!! — Atul Shiketode (@atul_shiketode) November 11, 2019 राष्ट्रवादी काँग्रेसमध्ये येऊ नये नारायण राणे हे आता राष्ट्रवादी काँग्रेस मध्ये येऊ नये म्हणजे झाले. नायतर परत सरकार बनता बनता राहील #MaharashtraPoliticalCrisis #Maharashtra #ShivSena — कट्टर समर्थक राष्ट्रवादी काँग्रेस पार्टी (@dhanubhau0104) November 11, 2019 दोन मिनिटे शांतता राणे आणि विखे साठी दोन मिनिटे शांती पाळा. आता भाजप ने विखेंना विरोधीपक्ष नेता करू नये म्हणजे मिळवलं pic.twitter.com/eLfZ65VPiC — आमचं ठरलंय (@DNLandkar) November 10, 2019 पुरस्कार जाहीर होण्याची शक्यता.. #Breaking_news..#भाजपकडून राणे यांना मानाचा समजला जाणारा "#पनवतीभुषण" पुरस्कार जाहीर होण्याची दाट शक्यता..! pic.twitter.com/Q9sT1aKfGH — AjinkyaRahate (@Ajinkya11672199) November 10, 2019 विकासासाठी गेलो. विकासासाठी गेलो जे पक्षबदलू नेते पाच वर्षे सत्ते बाहेर राहू शकले नाही ते आता हे पाच वर्ष कसे काय भाजपा सोबत राहील हे पाहण्या सारखे असेल.#राणे #विखे #भोसले #पाटील #मोहिते #विकास #पक्षबदलू #विरोधीच #सत्ताखेळ #म #मी #मुख्यमंत्री #महाराष्ट्रविधानसभा #खेळकुणालादैवाचाकळला — Bharat Liman (@Wrestler_Bharat) November 10, 2019 काँग्रेसमध्ये गेले. सत्ता गेली. नारायण राणे. शिवसेनेत होते. सत्ता गेली . काँग्रेसमध्ये गेले. सत्ता गेली . आता भाजपा... असो ..आपल्याला काय करायचय बाबा.. आपलं गप बसल्यालं बरं... #copied #WA — आम्ही परळीकर (@Aamhi_Parlikar) November 10, 2019 ताळमेळ जर नसेल तर. ताळमेळ जर नसेल तर हे असं होतं नारायण राणे भाजपात गेले मग नितेश गेला मग निलेश गेला मग स्वाभिमानी पक्ष भाजपात गेला आता म्हणे सहमत नाही सत्ता पाहिजे आणि विरोध पण करायचाय असं कसं चालेल राणे भाऊ #महाराष्ट्रविधानसभानिवडणूक #AssemblyElections2019 pic.twitter.com/zMjOn7bAtx — आमचं ठरलंय (@DNLandkar) November 10, 2019 कुठून अवदसा आठवली अन्. मा.मु सगळ्यात जास्त राणे साहेबांच्या नावाने खडे फोडत असतील.. कुठून अवदसा आठवली अन पक्षात घेतले. — अनुराग (@anil010374) November 10, 2019 त्याच वाटोळं होतं नारायण राणे ज्या पक्षात जातात त्याच वाटोळं होतं हे मात्र खरं झालं — ʏօɢɛsɦ saաaռt (@yogi_9696) November 10, 2019 दरम्यान, राज्यातील घडामोडींना वेग आला असून दिल्लीपासून ते मुंबईपर्यंत राष्ट्रवादी आणि काँग्रेसच्या नेत्यांबरोबर बैठक घेऊन सत्ता स्थापन करण्यासाठी शिवसेनेचे प्रयत्न सुरु आहे.