नाशिकमध्ये राष्ट्रवादीच्या उमेदवारांचे पैसे मतदारांना वाटप करणाऱ्या दोघा जणांना अटक करण्यात आली आहे. सातपूरच्या अशोक नगरमध्ये ही कारवाई करण्यात आली. जितेंद्रसिंग पवार आणि अनिल शेवाळे अशी अटक करण्यात आलेल्यांची नावं असून त्यांच्याकडून २४ हजार रुपये जप्त करण्यात आले आहेत. तसेच संशयितांना तात्काळ तडिपार करण्यात आले.

या बातमीसह सर्व प्रीमियम कंटेंट वाचण्यासाठी साइन-इन करा

शनिवारी दुपारी दीड वाजता हा प्रकार घडला. सातपूर येथील अशोक नगर येथे जितेंद्रसिंग पवार आणि अनिल शेवाळे हे मतदारांना प्रलोभन म्हणून पैसे वाटताना आढळून आल्यानंतर फिरत्या पथकाने त्यांच्याकडे तपासणी केली. तेव्हा त्यांच्याकडे २४ हजार ५० रूपये रोख आणि प्रचाराचे इतर साहित्य आढळले. संशयितांविरोधात गुन्हा दाखल करण्यात आला. पोलीस आयुक्त विश्वास नांगरे यांच्या सूचनेनुसार संशयितांना तत्काळ तडिपार करण्यात आले आहे.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Maharshtra vidhansabha election 2019 nashik ncp arrest police nck
First published on: 19-10-2019 at 21:40 IST