निवडणुकांचे निकाल लागून महिना होत आलाय. एकीकडे राज्यात राष्ट्रपती राजवट लागू आहे. तर दुसरीकडे शिवसेना, काँग्रेस आणि राष्ट्रवादी काँग्रेसची नव्या 'महाविकासआघाडी'नं सत्तास्थापनेसाठी जोरदार हालचाली सुरू केल्या आहेत. दरम्यान, आज (शुक्रवारी) मुंबईत शिवसेना, काँग्रेस आणि राष्ट्रवादी काँग्रेसच्या नेत्यांची एक बैठक होणार आहे. त्यानंतर 'महाविकासआघाडी' विषयी अधिकृत घोषणा होण्याची शक्यता आहे. तसंच पूर्ण पाच वर्षे शिवसेनेचा मुख्यमंत्री असेल आणि काँग्रेस आणि राष्ट्रवादी काँग्रेसचे उपमुख्यमंत्री असतील अशी माहिती सूत्रांकडून देण्यात आली. तसंच शनिवारी 'महाविकासआघाडी'चे नेते राज्यपाल भगतसिंह कोश्यारी यांची भेट घेण्याची शक्यताही वर्तवण्यात येत आहे.