scorecardresearch

सांगली महापालिका क्षेत्रात १८० अनधिकृत धार्मिक स्थळे

धार्मिक स्थळे ही शासकीय जागेत

महापालिका क्षेत्रात १८० अनधिकृत धार्मिक स्थळे आढळून आली असून ही निष्कासित करणे, स्थलांतर करणे अथवा नियमित करणेबाबत प्रशासनाने एक महिन्याच्या मुदतीत मते मागविली आहेत. उच्च न्यायालयाच्या निर्देशानुसार महापालिकेने ही माहिती संकलित केली असून यामध्ये काही धार्मिक स्थळे ही शासकीय जागेत असल्याचे आढळून आले आहे.
आयुक्त अजिज कारचे यांनी या अनधिकृत धार्मिक स्थळांची यादी संकेतस्थळासह वृतपत्रीय निवेदनाद्बारे शनिवारी प्रसिध्द केली. यादीमध्ये सांगलीत ५३, मिरजेत ८७ आणि कुपवाडमध्ये १२ धार्मिक स्थळांचा समावेश आहे. शहराच्या विविध भागामध्ये ही स्थळे आहेतच, पण त्याचबरोबर महसूल विभाग आणि पंचायत समितीच्या आवारातही धार्मिक स्थळे अनधिकृत उभारण्यात आल्याचे तपासणीत आढळून आले आहे.
या धार्मिक स्थळांचे निष्कासन करणे, स्थलांतर करणे अथवा नियमित करणे याबाबत आपली मते महापालिकेकडे एक महिन्यात सादर करावीत असे निवेदनात म्हटले आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 180 unauthorized religious structures in the area of municipal sangli

ताज्या बातम्या