मोठी कारवाई : गडचिरोलीत २६ नक्षलवाद्यांचा खात्मा ; तीन जवान जखमी

गडचिरोली जिल्ह्यातील ग्यारापट्टीच्या जंगलात आज चकमक झाली

Gadchiroli police arrest Naxalite with Rs 2 lakh bounty
(प्रातिनिधीक छायाचित्र)

गडचिरोली जिल्ह्यातील ग्यारापट्टीच्या जंगलात आज(शनिवार) महाराष्ट्र पोलिसांच्या C-60 युनिटसोबत झालेल्या चकमकीत २६ नक्षलवाद्यांचा खात्मा करण्यात आला आहे. या चकमकीत तीन जवान जखमी झाले आहेत.

गडचिरोलीचे पोलीस अधिक्षक अंकित गोयल यांनी ही माहिती दिली आहे. जखमी जवानांना उपचारासाठी तत्काळ हेलिकॉप्टरद्वारे नागपुरला हलवण्यत आले आहे. आज कारवाईत ठार झालेल्या नक्षलवाद्यांची ओळख अद्याप समोर आलेली नाही. मात्र यामध्ये नक्षलवाद्यांच्या मोठ्या नेत्याचा देखील समावेश असण्याची शक्यता वर्तवली गेली आहे.

जवानांकडून अद्यापही परिसरात शोधमोहीम सुरू आहे. चकमक झालेल्या ठिकाणास जवानांनी वेढा दिलेला आहे. तर या कारवाईत मृत्यू झालेल्या दहशतवाद्यांची संख्या वाढण्याची देखील शक्यता व्यक्त केली गेली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 26 naxals have been eliminated in an encounter with the c 60 unit of maharashtra police in gadchiroli msr

Next Story
गैरव्यवहारात अडकलेल्या मंत्र्यांनी राजीनामे द्यावेत -खडसे
ताज्या बातम्या