scorecardresearch

Premium

सांगली: एकाच दिवशी ४५० कर्मचारी निवृत्त

वय मोजण्यासाठी बरे म्हणून गुरूजींच्या सोयीने शाळा प्रवेशावेळी एक जूनची जन्मतारीख नोंदली गेलेल्या जिल्ह्यातील तब्बल ४५० कर्मचारी शासकीय सेवेतून बुधवारी निवृत्त झाले.

employees retired
एकाच दिवशी ४५० कर्मचारी निवृत्त (फोटो सौजन्य: इंडियन एक्सप्रेस)

सांगली : वय मोजण्यासाठी बरे म्हणून गुरूजींच्या सोयीने शाळा प्रवेशावेळी एक जूनची जन्मतारीख नोंदली गेलेल्या जिल्ह्यातील तब्बल ४५० कर्मचारी शासकीय सेवेतून बुधवारी निवृत्त झाले. नियतवयोमानानुसार निवृत्त झालेल्या या कर्मचार्‍यांना निरोप देण्यासाठी खास समारंभाचे आयोजनही विविध विभागात करण्यात आले होते.

मुलांना शाळेत प्रवेश देत असताना पालकांना निश्‍चित जन्मतारीख आठवत नसेल तर अथवा वय मोजण्यासाठी सुलभ व्हावे यासाठी गुरूजींनी अनेक मुलांची जन्मतारीख एक जून ही निश्‍चित केली होती. १९९५ पर्यंत याच पध्दतीने जन्मतारखांची नोंद शाळेत करण्यात येत होती. त्यानंतर मात्र, शाळेत प्रवेश घेत असताना महापालिका, ग्रामपंचायत यांचा जन्मदाखला आवश्यक करण्यात आल्याने मुलाची खरी जन्मतारीख शाळा प्रवेशावेळी नोंदली जात आहे. मात्र, तत्पुर्वी शाळेत प्रवेश केलेल्यांची जन्मतारीख गुरूजींच्या सोयीनुसार नोंदली गेली आहे.

thackeray group organizes hou de charcha event in kalyan dombivali
कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन
Rishi Sunak and Akshata Murthy
ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का
The employee boarded the truck to collect the toll from the truck driver
ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…
aditya thackeray letter to bmc commissioner demand to disposed accumulated waste in city
मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

शासकीय नोकरीत हजर होत असताना शाळेच्या दाखल्यावर जी तारीख नोंदली गेली आहे तीच ग्राह्य धरण्यात येत असल्याने अनेक कर्मचार्‍यांचा निवृत्तीचा दिवस 31 मे हा निश्‍चित झाला. यानुसार आज जिल्ह्यातील शिक्षण, जिल्हा परिषदेसह विविध शासकीय कार्यालयात कार्यरत असलेल्या आणि नियत वयोमान पूर्ण केलेल्या ४५० कर्मचार्‍यांचा आज सेवेतून निवृत्ती झाली.

जिल्ह्यातील विविध कार्यालयातील आज निवृत्त झालेल्या कर्मचार्‍यांची संख्या अशी जिल्हाधिकारी कार्यालय- १३ महापालिका ३२, आरोग्य विभाग १२, जिल्हा परिषद ३०, शिक्षक ११०, पोलीस २१, बाजार समिती ६, परिवहन महामंडळ ९० आणि इतर विभाग १३६ अशी सुमारे ४५० कर्मचार्‍यांनी आज सेवेतून निवृत्ती घेतली.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 450 employees retired on a single day sangli amy

संबंधित बातम्या

तुम्ही या बातम्या वाचल्या आहेत का? ×