कल्याणमधील एका बांधकाम व्यावसायिकाविरोधात वीजचोरी प्रकरणी गुन्हा दाखल करण्यात आला आहे. शिवसेनेचा पदाधिकारी असणाऱ्या या व्यावसायिकाने नुकतीच तब्बल आठ कोटींची रोल्स रॉयसची कार विकत घेतली होती. महाराष्ट्र राज्य विद्युत वितरण कंपनी लिमिटेडने (एमएसईडीसी) गेल्या आठवड्यात संजय गायकवाड यांच्याविरोधात गुन्हा दाखल केला आहे.

सूत्रांनी दिलेल्या माहितीनुसार, अतिरिक्त कार्यकारी अभियंता अशोक बुंधे यांच्या नेतृत्वातील एका पथकाने संजय गायकवाड यांच्या बांधकामांच्या ठिकाणांची पाहणी केली. कल्याणच्या कोळसेवाडीमधील बांधकामाच्या ठिकाणी वीजेचा गैरवापर केला जात असल्याचं यावेळी निदर्शनास आलं. यानंतर एमएसईडीसीएलने तात्काळ संजय गायकवाड यांनी ३४ हजार ८४० रुपयांचं बिल पाठवलं. तसंच १५ हजारांचा दंडदेखील ठोठावण्यात आला.

tax fraud case
१७५ कोटींचे कर फसणूक प्रकरण : विक्रीकर अधिकारी व १६ जणांवर गुन्हा दाखल, एसीबीची कारवाई
Buldhana, Minor Girl, sexually Tortured, Case Registered, female friend,
बुलढाणा : अल्पवयीन मुलीला डांबून दहा दिवस अत्याचार; मैत्रिणीनेच दिला दगा….
house burglars
घरफोडी करणाऱ्या टोळीचे जाळे उद्ध्वस्त, हसन कुट्टीसह १० गुन्हेगार ताब्यात
santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?

संजय गायकवाड यांनी तीन महिन्यानंतरही रक्कम भरली नसल्याने अखेर अशोक बुंधे यांनी महात्मा फुले पोलीस स्थानकात तक्रार दिली. एमएसईडीसीएलचे प्रवक्ते विजयसिंह दुधभाते यांनी दिलेल्या माहितीनुसार, पोलिसांनी गेल्या आठवड्यात गुन्हा दाखल केल्यानंतर संजय गायकवाड यांनी बिल तसंच दंडाची पूर्ण रक्कम भरली.

वीजचोरी प्रकरणी दंडासोबत तीन वर्षांच्या कारावसाची किंवा दोन्ही शिक्षा होऊ शकतात असं विजयसिंह यांनी सांगितलं आहे. दरम्यान संजय गायकवाड यांनी आपल्याविरोधात खोटी तक्रार दाखल करण्यात आल्याचा आरोप केला आहे. जर मी वीज चोरली होती तर बांधकामाच्या ठिकाणी असणारे मीटर का काढण्यात आले नाहीत? अशी विचारणा त्यांनी केली आहे.