सोलापूर : शेअर बाजारात आर्थिक गुंतवणूक केल्यास भरपूर नफा मिळेल, अशी भुरळ पाडून आपल्याच नात्यातील एका व्यावसायिकाला ९१ लाख रूपयांचा गंडा घातल्याप्रकरणी दोघा भावांविरूध्द पोलिसांनी गुन्हा दाखल केला आहे. अकलूज येथे हा प्रकार घडला.याबाबत आकाश अधिकराव मुंजाळ (वय ३६, रा. अकलूज) यांनी अकलूज पोलीस ठाण्यात दिलेल्या फिर्यादीनुसार मनोज चंद्रकांत पवार (वय ३०) आणि त्याचा भाऊ रूपेश पवार (वय ३३, रा. अकलूज) यांच्या विरूध्द फसवणुकीचा गुन्हा दाखल झाला आहे. १ आॕक्टोंबर २०२१ ते १५ मे २०२४ या कालावधीत हा फसवणुकीचा प्रकार घडला. आकाश मुंजाळ हे अकलूजमध्ये प्रगती वाॕठर इंजिनियरिंग या नावाने व्यवसाय करतात.

मनोज पवार हा त्यांच्या मामाचा जावई आहे. या नातेसंबंधातून नेहमीच होणा-या भेटीगाठीतून पवार बंधुंनी आकाश मुंजाळ यांना, तुम्ही शेअर बाजारात पैसे गुंतवल्यास दरवर्षी १० टक्के नफा मिळवून देतो, असे आमिष दाखवून गुंतवणुकीची पध्दत समजावून सांगितली. त्यांच्यावर विश्वास ठेऊन मुंजाळ यांनी वेळोवेळी मिळून एकूण ९१ लाखांची रक्कम पवार बंधुंच्या बँक खात्यावर भरली. त्यास वर्ष लोटले. परंतु ठरल्याप्रमातृ १० टक्के नफा मिळत नसल्यामुळे त्यांनी पवार बंधुंशी संपर्क साधून विचारणा केली असता त्यांनी  सुरूवातीला थापा मारल्या. नंतर भेटणे टाळू लागले.दरम्यान, रूपेश पवार याच्या घरी गेले असता त्याचे घर बंद होते. त्याने कुटुंबीयांसह पुण्यात कोठे तरी राहात असल्याचे समजले. तर मनोज पवार याने आपण परदेशात असून अकलूजमध्ये परतल्यानंतर गुंतवणुकीची रक्कम नफ्यासह परत करू, अशी थाप मारली. नंतर मात्र त्यांचा संपर्क तुटला. यात फसवणूक झाल्यामुळे मुंजाळ यांनी पोलिसांत धाव घेतली. पोलीस पवार बंधुंचा शोध घेत आहेत.

Six accused in Kautha robbery arrested
कौठा दरोड्यातील सहा आरोपींना अटक
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
An agricultural businessman from Degalur stole Rs 26 lakh which he paid to the bank
२६ लाखांच्या लुटीचा बनाव चालकाच्या अंगलट
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
new scheme for poor women in maharashtra
महाराष्ट्रात लाडकी बहीण; मध्य प्रदेशच्या धर्तीवर गरीब महिलांना दरमहा १२०० ते १५०० रुपये
wrestler Suraj Nikam Suicide
‘कुमार महाराष्ट्र केसरी’ सूरज निकमने गळफास घेत आयुष्य संपवलं, कुस्ती विश्वावर शोककळा
pooja khedkar ias mother manorama khedkar viral video
आता IAS पूजा खेडकर यांच्या आई मनोरमा चर्चेत; गावकऱ्यांना पिस्तुल दाखवून धमकावतानाचा Video व्हायरल!