कोल्हापूर शहरातील जगतापनगरमध्ये तरुणाचा खून झाल्याची घटना आज उघडकीस आली आहे. ऋषिकेश महादेव सूर्यवंशी (रा. पाचवा बस स्टॉप, फुलेवाडी) असे खून झालेल्या तरुणाचे नाव आहे.
हेही वाचा- कणकवलीत खासगी बस पलटी होऊन मोठा अपघात; दोन जण ठार, सहा जखमी
जगताप नगरमधील मैदानामध्ये आज सकाळी मुले क्रिकेट खेळत होती. यावेळी एक चेंडू दूरवर गेला. तो शोधण्यासाठी एक लहान मुलगा गेला. तेव्हा त्याला तिथे मृतदेह पडल्याचे आढळले. तो ओरडत पळत सुटला. एका महिलेने त्याला काय झाले विचारला असता त्याने ही घटना घडल्याचे सांगितले. यावरून लोकांना या ठिकाणी खून झाल्याचे कळले. तेथे बघ्याची मोठ्या प्रमाणात गर्दी झाली.
हेही वाचा- “मुंबईला खड्ड्यात घालण्याचं काम ज्यांनी…..” शिंदे गटाची उद्धव ठाकरे आणि आदित्य ठाकरेंवर घणाघाती टीका
काही वेळात पोलीस तिथे दाखल झाले. भांडणातून खून झाल्याची प्राथमिक माहिती आहे. अतिरिक्त पोलीस अधीक्षक जयश्री देसाई , करवीरचे पोलीस उप अधीक्षक संकेत गोसावी यांच्यासह पोलीस घटनास्थळी पोहोचले आहेत.
