भरधाव वेगाने जाणार्या मालट्रकने समोरून येणार्या इंडिगो कारला जोरदार धडक दिल्यामुळे आज (सोमवारी) पहाटे जळगावमध्ये भीषण अपघात झाला. जळगाव - नागपूर महामार्गावरील जळगाव फाट्यावर झालेल्या या अपघातात दोन जण जागीच ठार झाले. तर चार जण जखमी झाले आहेत. मृतांमध्ये जळगाव येथील दादावाडी परिसरातील सुधीर सोनवणे व धुळ्यातील गणेश फुलपगारे यांचा समावेश आहे. या अपघातात चार प्रवासी जखमी झाले असून त्यांना उपचारार्थ शासकीय रुग्णालयात हलविण्यात आले. या अपघात प्रकरणी वरणगाव पोलिस ठाण्यात ट्रक चालकाविरूध्द गुन्हा दाखल करण्यात आला. पोलिसांनी घटनास्थळी धाव घेत घटनेचा पंचनामा केला. तसेच शवविच्छेदनासाठी मृतदेह रुग्णालयात पाठवण्यात आले आहेत.
