"राष्ट्रवादी काँग्रेस शेवटपर्यंत हे सरकार..."; एकनाथ शिंदेंच्या बंडासंदर्भात अजित पवार स्पष्टच बोलले | Ajit Pawar Says We Are in Full Support of CM Uddhav Thackeray when ask about Eknath Shinde Revolt scsg 91 | Loksatta

“राष्ट्रवादी काँग्रेस शेवटपर्यंत हे सरकार…”; एकनाथ शिंदेंच्या बंडासंदर्भात अजित पवार स्पष्टच बोलले

दुपारी माझं मुख्यमंत्र्याशी बोलणं झालं, असंही अजित पवारांनी पत्रकारांना सांगितलं.

“राष्ट्रवादी काँग्रेस शेवटपर्यंत हे सरकार…”; एकनाथ शिंदेंच्या बंडासंदर्भात अजित पवार स्पष्टच बोलले
पत्रकारांशी बोलताना दिली माहिती (प्रातिनिधिक फोटो)

राष्ट्रवादी काँग्रेस अखेरच्या क्षणापर्यंत महाविकास आघाडीचे सरकार टीकवण्याचा प्रयत्न करेल असं राज्याचे उपमुख्यमंत्री अजित पवार यांनी स्पष्ट केलं आहे. राज्यातील सत्तासंघर्षाच्या पार्श्वभूमीवर राष्ट्रवादी काँग्रेसचे अध्यक्ष शरद पवारांनी मुंबईमधील यशवंतराव चव्हाण सेंटरमध्ये राष्ट्रवादी काँग्रेसच्या सर्व आमदारांची बैठक घेतली. या बैठकीमध्ये नेमकी काय चर्चा झाली यासंदर्भातील माहिती राष्ट्रवादी काँग्रेसचे नेते अजित पवार यांनी पत्रकारांशी बोलताना दिली.

नक्की वाचा >> एकनाथ शिंदेंच्या बंडामागे भाजपा आहे असं वाटतं का? अजित पवार म्हणाले, “आताच्या घडीला…”

महाविकास आघाडीचं सरकारमधील प्रमुख उद्धव ठाकरेंना पूर्ण पाठिंबा आहे, असं अजित पवारांनी पत्रकारांशी बोलताना स्पष्ट केलं. “राष्ट्रवादी काँग्रेस शेवटपर्यंत हे सरकार कसं टिकेल याबद्दल काम करत आहे,” असंही अजित पवार म्हणाले. दुपारी माझं मुख्यमंत्र्याशी बोलणं झालं असून आमचा तुम्हाला पाठिंबा आहे असं आम्ही त्यांना कवळल्याची माहिती अजित पवारांनी पत्राकांशी बोलताना दिली. तसेच आदित्य ठाकरे यांच्याशीही एका वेगळ्या कामाच्यासंदर्भातून चर्चा झाली तेव्हा राष्ट्रवादी पाठीशी असल्याचं त्यांना कळवल्यांचही अजित पवार म्हणाले. उद्धव ठाकरेंना पाठिंबा यापेक्षा दुसरी भूमिका राष्ट्रवादीची नाही, असंही अजित पवार म्हणाले.

जास्त अधिकार वाणीने शिवसेनेचे नेते त्यासंदर्भात सांगतील, असंही अजित पवारांनी शिवसेनेसंदर्भातील प्रश्नांवर सविस्तर उत्तर देण्याचं टाळताना सांगितलं. शिवसेनेचे काही आमदार परत आलेत त्यांनी वेगळी भूमिका मांडलीय, असंही अजित पवारांनी अधोरेखित केलं. तिकडचे आमदार आपल्याला टीव्हीच्या माध्यमातून पहायला मिळतायत. त्यांना मुख्यमंत्र्यांनीही परत येण्याचं आवाहन केलं आहे. आम्ही या परिस्थितीवर लक्ष ठेऊन आहोत. आमच्या पक्षाची भूमिका आघाडी सरकार टीकवण्याची आहे, असं अजित पवार यांनी सांगितलं.

एकनाथ शिंदे यांना मागील दोन दिवसांमध्ये ४६ आमदारांनी समर्थन दर्शवलं आहे. शिंदे हे मंगळवारी काही बंडखोर आमदारांसोबत सुरतला गेले. त्यानंतर बुधवारी पहाटे ते बंडखोर आमदारांसोबत गुवहाटीमध्ये दाखल झाले. सध्या हे सर्व आमदार गुवहाटीमध्येच असून ठाकरे सरकार अल्पमतात जाण्याची शक्यता आहे. याच पार्श्वभूमीवर सकाळपासून मुंबईमध्ये राष्ट्रवादी काँग्रेसच्या दोन बैठकी पार पडल्यानंतर सायंकाळी शरद पवारांनी यशंवतराव चव्हाण सेंटरमध्ये राष्ट्रवादीच्या सर्व आमदारांची बैठक घेतली.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
एकनाथ शिंदेंच्या बंडामागे भाजपा आहे असं वाटतं का? अजित पवार म्हणाले, “कुठलाही भाजपाचा नेता किंवा…”

संबंधित बातम्या

“…तर राज्यपालांचा टकमक टोकावरून कडेलोट…”, उदयनराजे भोसलेंनी मांडली आक्रमक भूमिका; रायगडावरून भाजपावरही टीकास्र!
“शिवरायांचा अपमान करणाऱ्यांना लाज वाटली पाहिजे”, म्हणत रायगडावरून उदयनराजे भोसलेंची मोठी घोषणा; म्हणाले, “आझाद मैदानात…!”
“राज्यात फोडाफोडीचं राजकारण”, राजापुरात राज ठाकरेंचा आरोप, म्हणाले, “मला माहित आहे कोणाकोणाला…”
“संजय राऊतांना पिसाळलेल्या कुत्रा चावला आहे”, शिंदे गटाच्या आमदाराची सडकून टीका
पत्नी जेवणात रोज टाकायची थोडं-थोडं विष; संपत्ती हडपण्यासाठी प्रियकराच्या मदतीने काढला पतीचा काटा, आरोपींना अटक

व्हिडिओ

ताज्या बातम्या
‘संस्काराच्या शिदोरीतील उत्तम गुणदर्शन’! पाकिस्तानच्या रावलपिंडी मैदानात जो रूटने असं काही केलं…; Video होतोय तुफान Viral
VIDEO: चेंडू चमकवण्यासाठी जो रुटने लढवली अजब शक्कल; चक्क! ‘जॅक लीचच्या…’
“संजय राऊतांना पिसाळलेल्या कुत्रा चावला आहे,” शिंदे गटातील आमदाराची सडकून टीका
शिंदे गटाच्या आमदाराकडून शिवीगाळ, संजय राऊतांचं प्रत्युत्तर, म्हणाले, “तिथं ते शेपट्या घालत आहेत आणि…”
“तुमच्यापेक्षा दाक्षिणात्य स्टार्स….” चाहत्याला ढकलल्यामुळे हृतिकवर चाहते संतापले; व्हिडीओ व्हायरल