scorecardresearch

Premium

“…म्हणून मला टार्गेट करण्यात आलं”, अजित पवारांचं मोठं विधान; म्हणाले, “माझ्यावरच्या आरोपांमुळे…!”

अजित पवार म्हणतात, “आमच्यापैकी काहींनी १९९९ पासून बहुतेक मंत्रीमंडळांत काम केलं आहे. त्यामुळे आमच्यावर…!”

ajit pawar karjat shibir speech
अजित पवारांचं जलसिंचन घोटाळा आरोपांवर भाष्य (फोटो – लोकसत्ता ग्राफिक्स टीम)

कर्जतमध्ये राष्ट्रवादी काँग्रेसच्या अजित पवार गटाच्या शिबिरातून अनेक नेतेमंडळींनी पदाधिकारी व कार्यकर्त्यांसमोर वेगवेगळ्या प्रकारचे मुद्दे मांडले. यावेळी एकीकडे छगन भुजबळांनी मराठा आरक्षण व शरद पवार गटाकडून केली जाणारी टीका यावर सविस्तर भूमिका मांडली असताना दुसरीकडे गटाचे प्रमुख अजित पवार यांनी पक्षातील व्यवस्थेवर भाष्य केलं. मात्र, यावेळी बोलताना त्यांनी सिंचन घोटाळ्यात त्यांच्यावर झालेल्या आरोपांवरही भाष्य केलं.

ठाकरे गटाकडील जागांवर लोकसभा निवडणूक लढवणार!

अजित पवारांनी आपल्या भाषणात लोकसभा निवडणुकांसाठी गटाचं नेमकं काय धोरण असेल, याबाबत भाष्य केलं. “लोकसभा निवडणुकीत बारामती, शिरूर, सातारा आणि रायगड या आपल्याकडे असलेल्या जागा आपण लढवणारच आहोत. पण त्याबरोबर ठाकरे गटाकडे ज्या जागा आहेत, त्यातल्याही काही जागा आपण लढवण्याचा प्रयत्न करणार आहोत. जागावाटपावर प्राथमिक चर्चा झाली आहे. पाच राज्यांच्या निवडणुकांनंतर यावर सविस्तर चर्चा करण्याचं आपलं ठरलं आहे”, असं अजित पवारांनी स्पष्ट केलं.

bhagwant maan
पंजाबचे मुख्यमंत्री नव्या भूमिकेत; केंद्र आणि शेतकऱ्यांच्या चर्चेत मध्यस्थ म्हणून भगवंत मान यांची महत्त्वपूर्ण भूमिका
valentine day marathi news,valentine day uttarakhand marathi news, uttarakhand marathi news
उत्तराखंडात ‘व्हॅलेंटाइन’सह जगण्याच्या अधिकारावरच बंधन…
Eknath Shinde Abhishek Ghosalkar
अभिषेक घोसाळकरांच्या हत्येनंतर राज्य सरकार अ‍ॅक्शन मोडवर, कायदा-सुव्यवस्था राखण्यासाठी मोठा निर्णय
EKnath Shinde and Uddhav Thackeray (1)
“मिंध्यांच्या दाढीला खेचून कुठूनही उचलून आणलं असतं”, ठाकरेंच्या टीकेवर मुख्यमंत्री म्हणाले, “वर्षाची माडी…”

छगन भुजबळांचं शरद पवारांवर शरसंधान; म्हणाले, “एवढी चिडचिड…!”

“आरोप सिद्धही व्हावे लागतात”

दरम्यान, यावेळी बोलताना अजित पवारांनी त्यांच्यावरील आरोपांवर भाष्य केलं. “काही आमच्यावर आरोप करतात की यांच्यावर केसेस होत्या त्या थांबाव्यात म्हणून हे गेले. आमच्यापैकी काहींनी १९९९ पासून बहुतेक मंत्रीमंडळांत काम केलं आहे. त्यामुळे आमच्यावर आरोप झाले. पण आरोप झाले म्हणजे ते सिद्धही व्हायला पाहिजे असतात. माझ्यावर झालेल्या आरोपांमुळे जलसंपदा विकासकामांची गती रेंगाळली. तेव्हा मी निधीला मान्यता द्यायचो म्हणून मला टार्गेट करण्यात आलं. माधवराव चितळेंच्या अध्यक्षतेखाली ५ तज्ज्ञांची समिती होती. तेव्हाचे विरोधी पक्षनेते एकनाथ खडसेंनीच नावं दिली होती. चितळेंचा अहवाल आला. त्यावेळच्या मुख्यमंत्र्यांनी त्या अहवालाला मंत्रीमंडळातमान्यता दिली नाही”, असं अजित पवार म्हणाले.

“आम्ही बोलतो तसं वागतो”

“मी आज ३२ वर्षं काही अपवाद वगळता मंत्रीमंडळात काम करतोय. मी १२-१२-२०१२ ला राज्यात सातत्याने भारनियमन होतं त्यातून मुक्त करणार असं सांगितलं होतं. त्यानुसार मी मुक्त केलं होतं. आम्ही बोललो तसं वागतो आणि करतो”, अशी भूमिकाही अजित पवारांनी यावेळी मांडली.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ajit pawar targets sharad pawar faction on irrigation scam allegations in ncp shibir karjat pmw

First published on: 01-12-2023 at 12:49 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×