शरद पवारांना आलेल्या धमकीनंतर राष्ट्रवादीचा मुनगंटीवार, राणे-पडळकरांवर गंभीर आरोप; म्हणाले, “त्या ट्विटर अकाऊंट्सचे…”

राष्ट्रवादी काँग्रेसचे आमदार अमोल मिटकरी म्हणाले की, शरद पवार साहेबांची खूप मोठी राजकीय कारकीर्द आहे. इतक्या वर्षांमध्ये त्यांना अशा धमक्या येणं हा काही त्यांच्यासाठी नवीन प्रकार नाही. ते इतकी वर्ष राजकारणात आहेत, अशा धमक्यांना ते भिक घालत नाहीत, आणि मुळीच घाबरत नाहीत.

आणखी वाचा

ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का

मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…

कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन

आमदार मिटकरी म्हणाले, माझी राज्याच्या गृहमंत्र्यांना (देवेंद्र फडणवीस) विनंती आहे की, तुमच्या पक्षाच्या (भाजपा) लोकांनी गुणरत्न सदावर्तेकरवी काही दिवसांपूर्वी सिल्व्हर ओकवर (शरद पवारांचं निवासस्थान) हल्लाबोल केला. परवा मंत्री सुधीर मुनगंटीवार यांनी पवार साहेबांचा एकेरी उल्लेख केला. गोपीचंद पडळकर काहीतरी बोलत राहतो. काल तो निलेश राणे बोलला. देवेंद्र फडणवीसांना आमचं सांगणं आहे की, तुमच्या पक्षातील विषारी विचारसरणी असलेले हे लोक सातत्याने खालच्या पातळीवर जाऊन बोलत आहेत. माझी विनंती आहे की, हे सगळे फेसबुक पेज, ट्विटर अकाऊंट्स, व्हॉट्सअ‍ॅप अकाऊंट्सचे मास्टरमाईंड हे लोक आहेत का ते तपासलं पाहिजे. मला पूर्ण खात्री आहे की, गेल्या दोन तीन दिवसांपूर्वी ज्यांनी पवार साहेबांवर तोंडसुख घेतलं होतं ही तीच पिलावळ आहे.

हे ही वाचा >> शरद पवार, संजय राऊतांना जीवे मारण्याची धमकी, देवेंद्र फडणवीसांची पहिली प्रतिक्रिया; म्हणाले…

अमोल मिटकरी म्हणाले, यांनी कितीही धमक्या दिल्या तरी राष्ट्रवादी काँग्रेस पक्ष या थर्ड क्लास लोकांच्या धमक्यांना घाबरणार नाही. तसेच भारतीय जनता पार्टी असं राजकारण करून निवडणूक लढू शकणार नाही, जिंकू शकणार नाही.