Ankita Bhandari Murder Case: फेसबूक फ्रेंडमुळे उलगडलं हत्येचं गूढ, धक्कादायक कारण आलं समोर | ankita bhandari murder case pulkit arya arrested SIT murder for refused to sex with resort guest rmm 97 | Loksatta

Ankita Bhandari Murder Case: फेसबूक फ्रेंडमुळे उलगडलं हत्येचं गूढ, धक्कादायक कारण आलं समोर

१९ वर्षीय तरुणी अंकिता भंडारी मागील काही दिवसांपासून बेपत्ता होती.

Ankita Bhandari Murder Case: फेसबूक फ्रेंडमुळे उलगडलं हत्येचं गूढ, धक्कादायक कारण आलं समोर
आरोपी पुलकीत आर्या (डावीकडे)

१९ वर्षीय तरुणी अंकिता भंडारी मागील काही दिवसांपासून बेपत्ता होती. अखेर शनिवारी उत्तराखंडच्या हृषीकेशमधील पुलकित आर्या यांच्या ‘वनतारा’ रिसॉर्टजवळील कालव्यात अंकिता भंडारीचा मृतदेह आढळून आला आहे. मृत तरुणी याच रिसॉर्टमध्ये रिसेप्शनीस्ट म्हणून काम करत होती. या तरुणीच्या खूनप्रकरणी उत्तराखंडमधील भाजपा नेते विनोद आर्या यांचे पूत्र पुलकित आर्याला अटक करण्यात आली असून त्याला न्यायालयीन कोठडीत पाठवलं आहेत. याप्रकरणी पोलिसांनी अन्य दोन साथीदारांनाही अटक केली आहे.

मिळालेल्या माहितीनुसार, मृत अंकिता भंडारी उत्तराखंडमधील पौडी जिल्ह्यातील यमकेश्वर ब्लॉकमधील एका रिसॉर्टमध्ये रिसेप्शनिस्ट म्हणून काम करत होती. मागील काही दिवसांपूर्वी ती अचानक बेपत्ता झाली होती. शनिवारी तिचा मृतदेह सापडला असून शुक्रवारी एक दिवस आधीच पोलिसांनी अंकिताच्या हत्येप्रकरणी भाजपा नेते विनोद आर्या यांचा मुलगा पुलकित आर्या आणि त्यांच्या दोन कर्मचाऱ्यांना अटक केली आहे.

हेही वाचा- “पीएफआयच्या कार्यकर्त्यांना सोडा, अन्यथा…” पुण्यातील ‘पाकिस्तान जिंदाबाद’ घोषणेप्रकरणी मुस्लीम नेत्याचा इशारा

दरम्यान, उत्तराखंडचे मुख्यमंत्री पुष्कर सिंह धामी यांनी या हत्या प्रकरणाच्या तपासासाठी विशेष तपास पथक (एसआयटी) स्थापन करण्याचे आदेश दिले आहेत. याप्रकरणी तपास केल्यानंतर एसआयटीने नवा खुलासा केला आहे. डीजीपी अशोक कुमार यांनी सांगितलं की, मृत तरुणीने रिसॉर्टवर आलेल्या अतिथींसोबत लैंगिक संबंध ठेवावेत, म्हणून रिसॉर्टचा मालक पुलकित आर्या तिच्यावर दबाव आणत होता. पीडित तरुणीने लैंगिक संबंध ठेवण्यास नकार दिल्याने आरोपींनी तिची हत्या केल्याचा खुलासा मृत तरुणीच्या एका फेसबूक फ्रेंडने केल्याची माहिती पोलिसांनी दिली आहे.

हेही वाचा- Ankita Bhandari Murder Case: तरुणीच्या खुनानंतर पुलकित आर्याचे रिसॉर्ट स्थानिकांनी पेटवले, ओबीसी आयोगाच्या उपाध्यक्षपदावरुन भावाची हकालपट्टी

संबंधित तिन्ही आरोपींना शुक्रवारी न्यायालयात हजर केलं असता, न्यायालयाने सर्व आरोपींना १४ दिवसांची न्यायालयीन कोठडी सुनावली आहे. रिसॉर्टचे मॅनेजर सौरभ भास्कर आणि सहाय्यक मॅनेजर अंकित गुप्ता यांनी आपल्या गुन्ह्याची कबुली दिली आहे. हत्या करून त्यांनी अंकिताचा मृतदेह कालव्यात टाकल्याची माहिती त्यांनी दिली आहे. या घटनेचा पुढील तुपास पोलीस करत आहेत.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“आदित्य ठाकरेंची अवस्था म्हणजे बैल गेला अन्…” गोपीचंद पडळकरांची खोचक टीका

संबंधित बातम्या

VIDEO: “संजय राऊतांच्या तोंडात त्यांच्या आईने…”, आमदार गायकवाडांचा संजय राऊतांवर हल्लाबोल
मुख्यमंत्री आणि उपमुख्यमंत्र्यांनी ‘समृद्धी महामार्गावरून’ एकत्र प्रवास केलेली गाडी कोणाची? काँग्रेसचा खळबळजनक आरोप; म्हणाले…
“मंत्रिपद गेलं खड्ड्यात, शिवरायांचा अपमान केल्यास…”, गुलाबराव पाटील संतप्त
महाराष्ट्र सरकारची डोकेदुखी वाढली! कर्नाटकनंतर आता नाशिकमधील गावं गुजरातमध्ये विलीन करण्याची मागणी
भाजपा नेत्याच्या शिवरायांवरील नव्या विधानानंतर संभाजीराजे संतापले; फडणवीसांचे नाव घेत म्हणाले “जमत नसेल तर…”

व्हिडिओ

ताज्या बातम्या
मुंबई: शिवरायांच्या जन्मस्थळाबाबत भाजप आमदाराचे अज्ञान; विरोधी पक्ष आक्रमक झाल्याने दिलगिरी
मुंबई: राज्य औषध व्यवसाय परिषदेला राजकीय कुरघोडीची बाधा
दुर्धर व्याधीग्रस्त रुग्णांसाठी जिल्हास्तरावर विशेष उपचार केंद्र; रुग्णांना मानसिक आधार देण्यासाठी आरोग्य विभागाकडून प्रयत्न
मुंबई: गोवरची विशेष लसमात्रा आवश्यकच ;बालरोगतज्ज्ञांचे स्पष्टीकरण
मुंबई अग्निशमन दलात लवकरच भरती