वाई: सातारा जिल्हाधिकारी कार्यालयात  आचारसंहिता संपताच प्रचंड गर्दी झाली. विविध मागण्यांसाठी आंदोलकांनी केलेल्या गर्दीमुळे सातारा शहर पोलिसांची चांगलीच कसरत झाली. यामध्ये सामाजिक कार्यकर्ते सुशांत मोरे, अवनी सामाजिक संस्थेच्या वतीने सातारा जिल्हा कचरा वेचक संघ, तांदुळवाडीचे संदीप वामन जाधव यांच्यासह विश्व इंडियन पार्टीचे सदस्य चर्चेत राहिले. या सदस्यांनी अर्धनग्न आंदोलन करून प्रशासनाचे लक्ष वेधले.

सातारा जिल्हाधिकारी कार्यालयाचा परिसर  विशेष गर्दीचा ठरला. जिल्हाधिकारी कार्यालयाच्या प्रवेशद्वारावर अचानक मांडवांची गर्दी वाढली. सामाजिक कार्यकर्ते सुशांत मोरे यांनी झाडाणी प्रकरणामध्ये शेतकर्‍यांना न्याय मिळावा तसेच यामधील प्रशासकीय अधिकारी शोधले जावेत याकरता आंदोलन छेडले होते. हे त्यांचे आंदोलन आमरण सुरू राहणार आहे. या आंदोलनाला झाडाणी गावातून आलेल्या ग्रामस्थांनी पाठिंबा दिला आहे. याशिवाय सातारा जिल्हा विश्व इंडियन पार्टीचे सदस्य काकासो संजय चव्हाण, संजय कल्लाप्पा चव्हाण, अमृत हिंदुराव जाधव, बापूसाहेब लांडगे, विलास नलावडे, मयूर लोंढे, राजेंद्र ताटे, निवास माने, सागर पवार यांनी अर्धनग्न आंदोलन जिल्हाधिकारी कार्यालयासमोर केले आणि जिल्हा प्रशासनाचे लक्ष वेधून घेतले. कराडच्या तहसीलदारांची विविध कारणास्तव चौकशी करण्यात यावी, अशी मागणी त्यांनी केली. कराड तालुक्यातील बेसुमार उत्खनन, वडार समाजाला त्यांच्या सुविधांपासून वंचित ठेवणे, विंग येथे शासन परवानगी नसताना उत्खनन होणे, कोणतीही पूर्वसूचना न देता उत्खननाचा परवाना रद्द करणे, बहुतांशी मंडल अधिकारी तलाठी यांच्या बदल्या होऊ न देणे, कराड तहसील कार्यालयातील सीसीटीव्ही बंद असणे अशा विविध त्रुटींमुळे पवार यांचा कारभार चर्चेत राहिला होता. या कारभाराची चौकशी करून त्यांच्यावर कारवाई करण्यात यावी, अशी मागणी विश्व इंडियन पार्टीने केली आहे. सातारा जिल्ह्यामध्ये ५०४ कचरावेचक महिलांचे संघटन आहे. मागील आठ वर्ष हे संघटन कचरा बेचकांसाठी संघर्ष करत आहे. त्यांना कामाचा योग्य तो मोबदला मिळावा, त्यांना हॅन्डग्लोज, बूट, मास्क इत्यादी सुविधा मिळाव्यात, जिल्ह्यातील समाज कल्याण खात्याने कचरा व्यवस्था महिलांच्या मुलांना मॅट्रिक वर्ष शिष्यवृत्ती वेळेत द्यावी, कचरा वेचकांची नोंदणी होऊन त्यांच्यासाठी कल्याणकारी योजना राबवण्यात यावी, अशी त्यांची मागणी आहे.

medical sangli 20 people poisoned after eating Puranpoli Amras
पुरणपोळी-आमरसच्या जेवणानंतर २० जणांना विषबाधा
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Tourist drowned in Alibaug sea
अलिबाग समुद्रात पर्यटक बुडाला
keshav upadhye replied to anil deshmukh allegation
“माजी गृहमंत्र्याचा अभ्यास कायद्याचा नसून केवळ १०० कोटींच्या वसुलीचा, त्यामुळे…”; अनिल देशमुखांच्या ‘त्या’ आरोपाला भाजपाचं प्रत्युत्तर!
Read Special Article on Dombivli blast and fire Incidents
डोंबिवलीचं ‘धगधगतं’ वास्तव; टाईमबॉम्बच्या वातीवर वसलेलं शहर!
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…
What happens to your body when you have sex every day
रोज सेक्स केल्याने शरीर, मन व नात्यात काय बदल होतात? थट्टा, मस्करी न करता डॉक्टरांनी दिलेली ही माहिती वाचा
What Bhujbal Said About Sharad Pawar?
शरद पवारांचं बोट पुन्हा धरणार का? छगन भुजबळांचं उत्तर, “मी…”

तांदूळवाडी ( ता. कोरेगाव)येथील संदीप वामन जाधव यांनी सुद्धा जिल्हाधिकारी कार्यालय उपोषण सुरू केले आहे. तांदूळवाडी येथे प्रजासत्ताक दिनी तिरंगा ध्वजाला दुय्यम स्थान देण्यात आल्याचा त्यांचा आरोप आहे. तांदूळवाडीतील राजकारणांकडून सर्वसामान्यांवर अन्याय होत असल्याची त्यांची तक्रार आहे