आषाढी एकादशीनिमित्त पंढरपूर येथे श्री विठ्ठल -रुक्मिणी मंदिरात प्रथेप्रमाणे रविवार १० जुलै रोजी मुख्यमंत्री एकनाथ शिंदे यांच्या हस्ते सपत्नीक शासकीय महापूजा होणार आहे. या महापूजेसाठी आणि विविध कार्यक्रमांसाठी मुख्यमंत्री सोलापूर जिल्ह्याच्या दौऱ्यावर जाणार आहेत. मुख्यमंत्र्यांच्या या दौऱ्यासंदर्भातील सविस्तर माहिती मुख्यमंत्री कार्यालयाने दिली असून मुख्यमंत्री शनिवारी रात्री पंढरपूरला रावाना होणार आहेत.

नक्की पाहा >> Photos : यंदाच्या आषाढी पूजेचा मान एकनाथ शिंदेंना; महापूजेचे आमंत्रण घेऊन घरी आले विशेष पाहुणे

शनिवार ९ जुलै रोजी पुणे येथून कारने मुख्यमंत्री त्यांच्या कुटुंबियांसोबत पंढरपूरकडे रवाना होतील. पंढरपूर येथे रात्री साडेअकरा वाजता मुख्यमंत्र्याचं आगमन होईल. त्यानंतर शासकीय विश्रामगृहामध्ये आयोजित करण्यात आलेल्या ‘पर्यावरणाची वारी, पंढरीच्या दारी’ कार्यक्रमाच्या समारोपास मुख्यमंत्री उपस्थित राहतील. रविवार १० जुलै रोजी मध्यरात्री अडीच ते पहाटे साडेचार वाजेपर्यंत ते श्री विठ्ठल रुक्मिणी मंदिरात शासकीय महापुजेसाठी उपस्थित राहतील. पहाटे साडेपाच वाजता विठ्ठल मंदिर परिसरातील इस्कॉन आंतरराष्ट्रीय मंदिराचे भूमिपूजन मुख्यमंत्र्यांच्या हस्ते पार पडेल.

Basavaraj Patil
बसवराज पाटील यांच्या भाजप प्रवेशाचा काँग्रेसला फटका किती ?
cm eknath shinde appeal shiv sainiks
मुख्यमंत्री एकनाथ शिंदे यांची खोटी स्वाक्षरी आणि शिक्के वापरले; मंत्रालयात खळबळ, गुन्हा दाखल
ajit pawar
फडणवीसांच्या ड्रीम प्रोजेक्टला अजितदादांचा बूस्ट
Eknath Shinde viral video of karyakram karen
“मुख्यमंत्री साहेब, कार्यक्रम म्हणजे काय समजायचं?”, मुख्यमंत्र्यांचा ‘तो’ VIDEO शेअर करत काँग्रेसचा सवाल

पहाटे पवाणेसहा वाजता नदी घाटाच्या लोकार्पण सोहळ्यास मुख्यमंत्री उपस्थित असतील असं त्यांच्या कार्यालयाकडून सांगण्यात आलंय. सकाळी सव्वा अकरा वाजता शासकीय विश्रामगृह येथे सोलापूर जिल्हयातील ‘सुंदर माझे कार्यालय’ या स्पर्धेच्या पारितोषिक वितरण सोहळ्यासाठी मुख्यमंत्री उपस्थित राहतील. सकाळी पावणेबारा वाजता मुख्यमंत्री पंचायत समिती पंढरपूर येथे ‘स्वच्छता दिंडी’ समारोपामध्ये सहभागी होणार आहेत. दुपारी साडेबारा वाजता ते पक्ष मेळाव्यास उपस्थित राहतील.

दुपारी तीन वाजता मुख्यमंत्री कारने सोलापूर विमानतळाकडे रवाना होतील व तेथून शासकीय विमानाने मुंबईत दाखल होतील. सायंकाळी साडेचार वाजता मुंबई विमानतळ येथे मुख्यमंत्र्यांचं आगमन होईल. त्यानंतर ते ठाण्यातील निवासस्थानासाठी रवाना होतील.