विधानपरिषद निवडणुकीत भाजपाला पहिला विजय मिळाला असून कोकण शिक्षक मतदारसंघात भाजपाचे उमेदवार ज्ञानेश्वर म्हात्रेंनी शेकापच्या बाळाराम पाटील यांचा पराभव केला आहे. तर भाजपाचा गड समजल्या जाणाऱ्या नागपूरात मात्र भाजपाच्या उमेदवाराचा पराभव झाला आहे. शिवाय, औरंगाबादेमध्येही भाजपाच्या पदरी पराभवच आल्याचे दिसत आहे. या निवडणूक निकालांच्या पार्श्वभूमीवर राष्ट्रवादी काँग्रेसचे आमदार अमोल मिटकरांनी भाजपाला टोला लगावला आहे. यावर आमदार बच्चू कडू यांनी प्रतिक्रिया दिली आहे.

“कोकण पदवीधर मतदार संघात ज्ञानेश्वर म्हात्रे निवडून आले प्रथम त्यांचे अभिनंदन. EVM पेक्षा बॅलेट वर सुद्धा भाजपा निवडणूक जिंकू शकते हे सिद्ध झाले. इथून पुढे येणाऱ्या प्रत्येक निवडणुका भाजपाने EVM ऐवजी बॅलेटवर घेण्याचे औदार्य दाखवावे.” असं अमोल मिटकरी म्हणाले आहेत.

Petrol Diesel Price Today 19 March 2023
Petrol Diesel Price Today: इंधनाचे सुधारित दर जाहीर; मुंबई-पुण्यात आज १ लिटर पेट्रोलसाठी किती रुपये मोजावे लागणार? 
Priya Dutt
काँग्रेसच्या माजी खासदार प्रिया दत्त शिवसेनेच्या वाटेवर? मुंबईत काँग्रेसला आणखी एक धक्का?
kiran mane devendra fadnavis
“…यात अभिमान कसला? शरम वाटली पाहिजे,” किरण मानेंचा रोख फडणवीसांकडे? म्हणाले, “फोडून आणलेल्या खजिन्यातल्या…”
University of Health Sciences
आरोग्य विज्ञान विद्यापीठाकडून परीक्षार्थीच्या भत्त्यांमध्ये वाढ! निवासी भत्ताही लवकरच वाढणार

यावर, “मला तर वाटलं बॅलेटवर जरी घेतलं तर अधिकच चांगलं आहे. असं झालं तर लोकांच्या डोक्यातून संभ्रम तरी निघेन. माझं म्हणणं आहे, संभ्रमात राहणं चांगलं नाही.” असं बच्चू कडू म्हणाले आहेत.

नागपूर विभाग शिक्षक मतदारसंघात महाविकास आघाडीने भारतीय जनता पार्टीला जोरदार धक्का दिला आहे. महाविकास आघाडीचे उमेदवार सुधाकर अडबोले यांनी भाजपाचे उमेदवार नागोराव गाणार यांचा पराभव केला आहे. भाजपाच्या बालेकिल्ल्यात महाविकास आघाडीने विजय संपादन केल्याने राजकीय वर्तुळात चर्चांना उधाण आलं आहे.

त्यांनी भाजपाचा उल्लेख ‘कमळाबाई’ असा केला असून भाजपा प्रदेशाध्यक्ष चंद्रशेखर बावनकुळे यांनाही टोला लगावला आहे. मिटकरींनी आपल्या ट्विटमध्ये लिहिलं की, “नागपूरकर ‘गाणार’… आज ‘कमळाबाई’ जाणार… बावन’कुळां’चा उद्धार… काही दिवसांत होणार… संघाच्या बागेत देवेंद्रजींची दरी… नितीनजी ठरतील का भावी “गड”करी?”