Indian Wedding : भारतीय विवाह सोहळा पाहण्यासाठी बेलापूरला आले इंग्लंडचे पाहुणे!

बेलापूर येथील श्री. देविदास देसाई यांचा पुतण्या चिरंजीव सागर यांच्या शुभविवाह निमित्त इंग्लंडवरून पाच परदेशी पाहुणे विवाह समारंभास उपस्थित राहण्याकरता आले होते. त्यावेळी बेलापूर ग्रामस्थांच्या वतीने त्यांचा सत्कार करण्यात आला. त्यावेळी त्यांनी वरील प्रतिक्रिया दिली.

परदेशी पाहुण्यांचे बेलापूर आगमन होताच फटाक्याची आतिषबाजी करण्यात आली. यानंतर महाराष्ट्राचे आराध्य दैवत छत्रपती शिवाजी महाराजांच्या पुतळ्याला पुष्पहार अर्पण करून अभिवादन केले. त्यानंतर देसाई परिवाराच्या घरी त्यांचे आगमन झाले. त्यावेळी परदेशी पाहुण्यावर पुष्पवृष्टी करण्यात आली. त्याचबरोबर त्यांचे पारंपारिक पद्धतीने औक्षण करून पुष्पहार घालून स्वागत करण्यात आले. विवाह सोहळ्यातील विविध पारंपारिक विधींची परदेशी पाहुण्यांनी माहिती करून घेतली.

देसाई परिवार व बेलापूर ग्रामस्थांनी केलेल्या स्वागताने आम्ही भारावून गेलो. खरोखर भारतीय संस्कृती महान आहे. इतर जगाच्या तुलनेत भारतीय संस्कृतीला अनन्यसाधारण महत्त्व आहे. भारतीय संस्कृतीत प्रेम आपुलकी भावना, आदर या सर्वांचा संगम पहावयास मिळतो. त्यामुळे जगात भारतीय संस्कृती ही आदर्श संस्कृती मानली जाते. आम्हाला देसाई परिवाराच्या विवाह सोहळ्याचे निमंत्रण मित्र चैतन्य देसाई यांच्याकडून मिळाले व आम्हाला एक चांगला कौटुंबिक विवाह सोहळयात सहभागी होण्याचा योग आला भारतीय संस्कृती त विवाह सोहळा कसा असतो हे आम्हाला जवळून पाहता आले असेही ते म्हणाले.

बेलापूरातील विष्णुपंत डावरे, सोमनाथ जावरे, बाबुलाल पठाण, गोपी दाणी, साहेबराव बैताडे, संजय भोंडगे, विशाल मेहेत्रे, बाबुराव पवार, व्यापारी असोसिएशनचे अध्यक्ष प्रशांत लड्डा, अजीज शेख, जाकीर शेख, अल्ताफ शेख, प्रविण बाठीया, मयुर खरात, रफीक शेख, चाँद शेख, मोहसीन सय्यद, शफीक बागवान आदिंसह ग्रामस्थांनी विवाह सोहळ्यास उपस्थित परदेशी पाहुण्यांचा सत्कार केला.