“मला गोपीनाथ मुंडेंपेक्षा जास्त संघर्ष करावा लागतोय”, पंकजा मुंडेंच्या वक्तव्यावर भाजपाची पहिली प्रतिक्रिया; म्हणाले…

दरम्यान पंकजा मुंडे यांच्या वक्तव्यावर आता भारतीय जनता पार्टीकडून प्रतिक्रिया आली आहे. भाजपा प्रदेशाध्यक्ष चंद्रशेखर बावनकुळे यांनी काही वेळापूर्वी प्रसारमाध्यमांशी बातचीत केली. यावेळी त्यांना पंकजा मुंडे यांच्या वक्तव्याबद्दल विचारलं. त्यावर चंद्रशेखर बावनकुळे म्हणाले, सध्या राज्यातले अनेक साखर कारखाने अडचणीत आहेत. या अडचणीच्या काळात पंकजा मुंडे यांना एखादी नोटीस आली असेल, म्हणून त्या असं बोलल्या असतील.

आणखी वाचा

कराड : अजित पवारांच्या अनुपस्थितीबाबत विरोधकांकडून त्यांच्या सोयीचे अर्थ; मंत्री गिरीश महाजन यांचा टोला

कारखान्यावरील कारवाईवर रोहित पवारांची खळबळजनक पोस्ट; म्हणाले, “एका नेत्याबद्दल अंदाज योग्य होता, पण…”

“इतके महिने उलटले तरी तुम्ही फक्त…”, आमदार अपात्रता प्रकरणावरून सरन्यायाधीशांचं राहुल नार्वेकरांच्या कारभारावर बोट

तेलगी घोटाळ्याप्रकरणी छगन भुजबळांचं मोठं वक्तव्य, म्हणाले, “मी गृहमंत्री असताना…”

चंद्रशेखर बावनकुळे म्हणाले, माझी आणि पंकजा मुंडे यांची भेट झालेली नाही. मी त्यांना भेटल्यावर नक्कीच त्यांच्याशी या विषयावर चर्चा करेन. मला सध्या याबद्दलची पूर्ण माहिती नाही. परंतु, पंकजा मुंडे यांच्याबद्दल कोणीही कुठलाही गैरसमज पसरवू नये, असं मला वाटतं.

पंकजा मुंडे म्हणाल्या होत्या, “गोपीनाथ मुंडे यांना जो संघर्ष करावा लागला, तोच संघर्ष मला करावा लागत नाहीये. मला गोपीनाथ मुंडेंपेक्षा जास्त संघर्ष करावा लागत आहे. कारण गोपीनाथ मुंडेंच्या वेळी संघर्षाची एक पातळी होती. तो वैचारिक संघर्ष होता. दोन गटांमध्ये किंवा दोन विचारांमध्ये तडजोड झाली नाही. आता तशी परिस्थिती राहिली नाही. त्यामुळे माझा संघर्ष जास्त आहे.”

हे ही वाचा >> “मनोज जरांगेंच्या ‘या’ मागणीला आमचा विरोध”, काँग्रेस नेते विजय वडेट्टीवारांचं वक्तव्य

पंकजा मुंडे १०० कोटींच्या कर्जाबाबत काय म्हणाल्या?

पंकजा मुंडे म्हणाल्या, मी १०० कोटी रुपयांचं कर्ज घेतलं आणि दुसरीकडे वापरलं असं काही नाही. हे २००९-२०१२ दरम्यान गोपीनाथ मुंडेंच्या काळातलं कर्ज आहे. हा कर्जाचा, मतदारसंघातील संघर्षाचा विषय आहे.