“माझ्यावर निर्णय घ्यायची वेळ…”, पंकजा मुंडेंच्या वक्तव्यावर भाजपाची प्रतिक्रिया; म्हणाले…

दरम्यान, पंकजा मुंडे यांनी मंगळवारी (२६ सप्टेंबर) टीव्ही ९ मराठी या वृत्तवाहिनीला मुलाखत दिली. या मुलाखतीत पंकजा मुंडे म्हणाल्या, ईश्वर करो आणि माझ्यावर निर्णय घेण्याची वेळ न येवो. माझ्याबद्दल कोणीही अफवा पसरवू नये. जसं विवाहबंधन असतं तसंच आपल्या संघटनेशी आपलं एक बंधन असतं. आपण नकळत एकमेकांना वचन दिलेलं असतं, शब्द दिलेले असतात. आपण विचारधारेवर प्रेम केलेलं असतं. त्यामुळे तशा प्रकारचा निर्णय कोणत्याही व्यक्तीसाठी वेदनादायी असतो. माझ्यासाठी ते आणखीनच वेदनादायी असेल. कारण मी माझ्या वडिलांना या संघटनेत पाहिलं आहे. त्यामुळे या संघटनेशी माझं वेगळं नातं आहे. त्यामुळे असा निर्णय घेण्याची वेळ माझ्यावर येऊच नये, अशी माझी प्रार्थना आहे.

आणखी वाचा

“ईश्वर करो, माझ्यावर निर्णय घ्यायची वेळ न येवो”, पंकजा मुंडेंचं मोठं वक्तव्य

“अंबादास दानवेंनी वायफळ बडबड करु नये, एवढंच…”, बंडखोरांच्या अपात्रतेवरून भाजपा खासदार आक्रमक

“आमच्यासारख्या महिलांना आरक्षणाची गरज नाही”, सुप्रिया सुळे असं का म्हणाल्या?

“वंचितने इंडियाविरोधात उमेदवार देऊ नये”, रोहित पवारांच्या वक्तव्यावर सुजात आंबेडकर म्हणाले, “त्यापेक्षा काँग्रेस आणि राष्ट्रवादीने…”

हे ही वाचा >> “मला गोपीनाथ मुंडेंपेक्षा जास्त संघर्ष करावा लागतोय”, पंकजा मुंडेंच्या वक्तव्यावर भाजपाची पहिली प्रतिक्रिया; म्हणाले…

दरम्यान, पंकजा मुंडे यांच्या वक्तव्यावर आता भारतीय जनता पार्टीने प्रतिक्रिया दिली आहे. भाजपाचे महाराष्ट्र प्रदेशाध्यक्ष चंद्रशेखर बावनकुळे म्हणाले, पंकजा मुंडे नेहमीच भेटतात, माझ्याशी चर्चा करतात. मला असं वाटतंय की त्यांच्या बोलण्याचा काहीतरी विपर्यास केला जातोय. पुन्हा एकदा असं होतंय. पंकजा मुंडे आयुष्यात कधीही वेगळा विचार करू शकत नाहीत. पंकजा मुंडे यांचे वडील गोपीनाथ मुंडे यांनी त्यांचं संपूर्ण आयुष्य हे भाजपाच्या वाढीसाठी दिलं आहे. त्यामुळे पंकजा मुंडे आणि प्रीतम मुंडे या आमच्या पक्षासाठी अत्यंत महत्त्वाच्या नेत्या आहेत. त्यांच्याबद्दल कोणताही गैरसमज निर्माण होऊ नये आणि आपणही (प्रसारमाध्यमे) कोणताही गैरसमज करून घेऊ नये.