scorecardresearch

Premium

“छत्रपती शिवरायांची वाघनखं फक्त तीन वर्षांसाठीच महाराष्ट्रात येणार, त्यानंतर….”, सुधीर मुनगंटीवार यांची माहिती

वाघनखं कायमस्वरुपी राज्यात आणली जावीत यासाठी आम्ही प्रयत्नशील आहोत असंही सुधीर मुनगंटीवार यांनी स्पष्ट केलं.

What Sudhir Mungantiwar Said?
सुधीर मुनगंटीवार यांनी काय म्हटलं आहे? (फोटो-प्राजक्ता राणे, ग्राफिक्स टीम-लोकसत्ता ऑनलाईन)

छत्रपती शिवाजी महाराजांनी १६५९ मध्ये अफझल खानाचा कोथळा ज्या वाघनखांनी काढला ती वाघनखं लवकरच भारतात आणली जाणार आहेत. त्यासाठीची सगळी तयारी झाली आहे. छत्रपती शिवरायांच्या राज्याभिषेकाला ३५० वर्षे पूर्ण होत आहेत त्यानिमित्ताने ही वाघनखं आणली जाणार आहेत. मात्र ही वाघनखं फक्त तीन वर्षांसाठीच आणली जात आहेत अशी माहिती राज्याचे सांस्कृतिक मंत्री सुधीर मुनगंटीवार यांनी दिली आहे.

काय म्हणाले सुधीर मुनगंटीवार?

“छत्रपती शिवरायांची वाघनखं महाराष्ट्रात कायमस्वरुपी आणण्यासाठी आम्ही ब्रिटन सरकारला प्रस्ताव दिला आहे. सध्या छत्रपती शिवाजी महाराजांच्या राज्याभिषेकाला जी ३५० वर्षे पूर्ण होत आहेत त्या निमित्ताने शिवरायांशी संबंधित ज्या पवित्र वस्तू आहेत त्या परत आणण्यासाठी आम्ही प्रयत्न करत आहोत. पहिल्यांदा ते एक वर्षासाठी म्हणाले होते आता ते तीन वर्षांसाठी देत आहेत. आपला प्रयत्न असा आहे की ती वाघनखं कायमस्वरुपी इथे यावीत. या बदल्यात वाघाची एक जोडी आम्ही तुम्हाला देऊ. वाघनखांबाबत प्राथमिक चर्चेतून निर्णय होईल. छत्रपती शिवरायांची जगदंब तलवारही आणण्यासाठीही आम्ही प्रयत्नशील आहोत.”

Ajit Pawar Maharashtra Letter
अजित पवारांनी वेगळा निर्णय का घेतला? जनतेला खुलं पत्र लिहित म्हणाले, “मला राजकारणात…”
manoj jarange patil and chhagan bhujbal
‘दादागिरीला थांबवणार की नाही’, मनोज जरांगेंच्या वक्तव्यांवरून छगन भुजबळ आक्रमक; म्हणाले, “छत्रपती…”
kolhapur marathi news, lop ambadas danve marathi news, maharashtra became state of goons marathi news,
“महाराष्ट्र हे गुंड, भूमाफिया, खंडणीबहाद्दरांचे राज्य बनले आहे”, अंबादास दानवे यांची कोल्हापुरात टीका
Special Menu For Uddhav Thackeray Meal
“पुरणपोळी, ओल्या काजूची उसळ, मोदक आणि…”, उद्धव ठाकरेंसाठी राजन साळवींच्या घरी खास बेत

हे पण वाचा- “महाराजांची वाघनखं आणताय त्यासाठी अभिनंदन, जमलं तर…”, नाना पाटेकरांनी सुधीर मुनगंटीवारांना लगावला टोला

वाघनखं भारतात आणण्यासाठी आम्ही प्रयत्नशील

छत्रपती शिवरायांची वाघनखं महाराष्ट्रात कायमस्वरुपी आणण्यासाठी आम्ही प्रयत्नशील आहोत. याआधी कुणीही प्रयत्न केला नाही. आम्ही केला, आमच्या प्रयत्नांना यश आलं. सध्या तीन वर्षांसाठी वाघनखं येत आहेत. ती कायमस्वरुपी आणण्यासाठी आम्ही नक्की प्रयत्न करु. अशी माहितीही राज्याचे सांस्कृतिक मंत्री सुधीर मुनगंटीवार यांनी दिली.

छत्रपती शिवरायांची जी वाघनखं महाराष्ट्रात आणली जात आहेत ती खरोखरच छत्रपती शिवरायांची वाघनखं आहेत का? असा प्रश्न आदित्य ठाकरेंनी आजच उपस्थित केला. छत्रपती शिवरायांची वाघनखं आणणार असं सरकारकडून सांगण्यात येतं आहे. व्हिक्टोरिया अल्बर्ट म्युझियमच्या वेबसाईटवर वाघनखांविषयी माहिती घेतली. त्यात म्हटलं आहे की वाघनखं शिवाजी महाराजांनी वापरली नाहीत. ही वाघनखं शिवाजी महाराजांची आहेत का? हे सांगा असंही आदित्य ठाकरे म्हणाले आहेत. आता ही वाघनखं तीन वर्षांसाठीच आणली जात आहेत हे कळल्यानंतर विरोधकांच्या हाती आयता मुद्दाच मिळाला आहे. त्यामुळे छत्रपती शिवरायांच्या वाघनखांवरुन कशी टीका होते आणि सरकार त्यांना कसं उत्तर देतं हे पाहणं महत्त्वाचं असणार आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chhatrapati shivaji maharaj waghnakh will bring in maharashtra for three years only said sudhir mungantiwar scj

First published on: 30-09-2023 at 16:43 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×