वाई: राज्यपालांवरील कारवाईबाबत उदयनराजे ठाम असून मुख्यमंत्र्यांनी फोन करुनही प्रतापगडावरील शिवप्रताप दिनाला हजर राहून तर राज्य सरकार बद्दल नाराजी व्यक्त केली .आज प्रतापगडावर आयोजित राज्य सरकारच्या वतीने आयोजित शिवप्रताप दिनाच्या सोहळ्यात खासदार उदयनराजे भोसले सहभागी झाले नाहीत. राज्यपाल भगतसिंग कोश्यारी यांच्यावर कारवाईच्या मागणीवर ठाम रहात प्रतापगडावरच्या सोहळ्याला गैरहजर राहून आपली नाराजी व्यक्त केली. कार्यक्रमाला आमदार शिवेंद्रसिंहराजे भोसले उपस्थित होते मात्र उदयनराजे अनुपस्थित होते त्यामुळे मुख्यमंत्री एकनाथ शिंदे यांनी कार्यक्रमाच्या ठिकाणावरून उदयनराजेंनी फोन करून आपण सोहळ्याला का आला नाहीत याबाबत विचारणा केली. त्यावर उदयनराजे भोसले यांनी राज्यपालांच्या वक्तव्याबाबत स्पष्ट नाराजी व्यक्त केल्याचे समजते. उदयनराजे राज्यपाल कोश्यारीना हटवण्यावर ठाम असल्याचे दिसून आले.
