scorecardresearch

“आम्ही गद्दारी नाही गदर केला, गदर म्हणजे…”, एकनाथ शिंदेंचं उद्धव ठाकरेंचा प्रत्युत्तर; म्हणाले…

Eknath Shine On Uddhav Thackeray : शिवसेनेकडून शिंदे गटावर सातत्याने गद्दार असल्याचा आरोप केला जातो. त्याला एकनाथ शिंदेंनी प्रत्युत्तर दिलं आहे.

“आम्ही गद्दारी नाही गदर केला, गदर म्हणजे…”, एकनाथ शिंदेंचं उद्धव ठाकरेंचा प्रत्युत्तर; म्हणाले…
एकनाथ शिंदे ( ट्विटर )

आम्ही गद्दारी केली नाही, तर गदर केलाय. गदर म्हणजे क्रांती. आम्ही गद्दार नाही, तर बाळासाहेबांचे शिलेदार आहोत. ते आम्ही अभिमानाने छाती ठोकपणे सांगू शकतो. तुम्ही तर त्यांचे विचार विकले, अशा शब्दांत मुख्यमंत्री एकनाथ शिंदे यांनी शिवसेना पक्ष प्रमुख उद्धव ठाकरेंना प्रत्युत्तर दिलं आहे. एकनाथ शिंदे बीकेसी मैदानावरील दसरा मेळाव्यात बोलत होते.

“आम्हाला म्हणता बाप चोरणारी टोळी निर्माण झालीय. अरे तुम्ही तर बापाचे विचार विकले, तुम्ही बापालाच विकण्याचा प्रयत्न केला. आम्ही तुम्हाला ती टोळी म्हणायचं का? सहन करण्याची एक मर्यादा असते. सत्तेसाठी तुम्ही हिंदुत्वाला तिलांजली दिली, मग खरे गद्दार कोण? जनतेला समजलं आहे. म्हणून जनता आमच्याबरोबर आहे,” असे एकनाथ शिंदेंनी सांगितलं.

“बाळासाहेबांच्या समाधीवर गुडघे टेकून…”

“बाळासाहेबांच्या विचारांना तिलांजली देऊन तुम्ही जे पाप केलं, ते शिवसैनिक कधीही विसरणार नाही. त्यामुळे महाराष्ट्रातील जनताही तुम्हाला माफ करणार नाही. तुम्ही वैचारिक व्यभिचार केला आहे. तुम्ही जे पाप केल आहे, त्यासाठी आधी बाळासाहेबांच्या शिवतीर्थावरील समाधीवर गुडघे टेका आणि माफी मागा, मग आमच्यावर बोला,” असे आव्हान एकनाथ शिंदे यांनी उद्धव ठाकरेंना दिलं आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या

ताज्या बातम्या