कृषी, पायाभूत सुविधांना बळकटी

कृषी व पायाभूत सुविधा प्रकल्पांच्या माध्यमातून रोजगार निर्मितीला चालना देणारा आहे.

नाना पटोले प्रदेशाध्यक्ष, काँग्रेस

करोना  महासाथीच्या पार्श्वभूमीवर महाराष्ट्र विकास आघाडी सरकारने विधिमंडळात सोमवारी मांडलेला अर्थसंकल्प आरोग्यसेवेला बळकटी देणारा, तसेच कृषी व पायाभूत सुविधा प्रकल्पांच्या माध्यमातून रोजगार निर्मितीला चालना देणारा आहे.

करोनाच्या अभूतपूर्व संकटामुळे राज्याच्या उत्पन्नात मोठी घट झालेली असतानाही आघाडी सरकारने आरोग्य, कृषी, शिक्षण, सिंचन, महिला, तरुण, विद्यार्थी, दलित, आदिवासी, अल्पसंख्याक, ग्रामीण व शहरी पायाभूत सुविधांसह विकास प्रकल्पांसाठी भरघोस निधीची तरतूद केली आहे. यामुळे मागच्या सरकारच्या काळात ठप्प झालेली विकासाची प्रक्रिया सुरू होणार असून महाराष्ट्राची विकासपथावर वेगाने घोडदौड सुरू होईल.

विद्यार्थिनी, गृहिणी, कष्टकरी महिलांसाठी राज्य सरकारने नव्या योजना जाहीर केल्या आहेत. घराची नोंदणी महिलांच्या नावावर केल्यास मुद्रांक शुल्कात सवलत देण्यात येणार आहे. राज्यातील ग्रामीण भागातील मुलींना शाळेत जाण्यासाठी मोफत एसटी प्रवास उपलब्ध करून देण्यात येणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Congress leader nana patole reaction on maharashtra budget 2021 zws

Next Story
‘कोरा कागद निळी शाई, आम्ही कोणाला भीत नाही’!
ताज्या बातम्या