congress sachin sawant tweet on hallo vande mataram controversy | Loksatta

“..मग खुर्चीत कसे बसणार? पलंगावर कसे झोपणार?” फोनवर ‘हॅलो’ म्हणण्यावरून काँग्रेसचा शिंदे सरकारला खोचक टोला!

“बटाटा, कोबी, हापूस, पपई, पेरू, अननस, बिस्कीट खाऊ नका, पोर्तुगीज आहेत ते. सरकारने अक्कल गहाण ठेवली असे आम्ही म्हणणार नाही. कारण…!”

“..मग खुर्चीत कसे बसणार? पलंगावर कसे झोपणार?” फोनवर ‘हॅलो’ म्हणण्यावरून काँग्रेसचा शिंदे सरकारला खोचक टोला!
फोनवर 'हॅलो' बोलण्याला विरोधावरून काँग्रेसचा खोचक टोला!

गेल्या दोन दिवसांपासून राज्यात फोन उचलल्यानंतर त्यावर काय म्हणावं? याची जोरदार चर्चा सुरू झाली आहे. त्याला कारणीभूत ठरली ती सांस्कृतिक कार्यमंत्री सुधीर मुनगंटीवार यांनी केलेली एक घोषणा! राज्याच्या शासकीय कार्यालयांमध्ये फोन उचलल्यानंतर त्यावर सर्व शासकीय कर्मचारी ‘हॅलो’ ऐवजी ‘वंदे मातरम्’ म्हणणार असल्याचं सुधीर मुनगंटीवार यांनी जाहीर केलं. स्वातंत्र्यदिनाच्या पूर्वसंध्येला सुधीर मुनगंटीवार यांनी ही घोषणा केल्यानंतर त्यावर विरोधकांनी खोचक टीका करायला सुरुवात केली आहे.

या निर्णयाची घोषणा करताना सुधीर मुनगंटीवार म्हणाले, “वंदे मातरम् हे आपले राष्‍ट्रगान आहे. हा केवळ एक शब्‍द नसून भारतीयांच्‍या भारतमातेविषयीच्या भावनांचे प्रतिक आहे. १८७५ मध्‍ये बंकिमचंद्र चटर्जी यांनी लिहिलेले हे गीत त्‍या काळात स्‍वातंत्र्यासाठी लढणाऱ्यांना उर्जा देण्‍याचं काम करत होते. ‘हे माते मी तुला प्रणाम करतो’ अशी भावना व्‍यक्‍त करत बंकिमचंद्रांनी मनामनात देशभक्‍तीचे स्‍फुल्‍लिंग चेतविले”, असं मुनगंटीवार यासंदर्भात बोलताना म्हणाले होते.

काँग्रेसचा खोचक सवाल!

दरम्यान, यावरून एकीकडे राज्यात संमिश्र प्रतिक्रिया उमटत असताना दुसरीकडे काँग्रेसकडून या मुद्द्यावर खोचक प्रतिक्रिया देण्यात आली आहे. काँग्रेस नेते सचिन सावंत यांनी यासंदर्भात केलेल्या ट्वीटमधून राज्यातील एकनाथ शिंदे सरकारला खोचक शब्दांत सवाल केला आहे.

हॅलो ऐवजी वंदे मातरम म्हणण्यास विरोध म्हणजे संविधानाला विरोध – मुनगंटीवार

सचिन सावंत यांनी आपल्या ट्वीटमध्ये मराठीतील अशा काही शब्दांचा संदर्भ दिला आहे, जे इतर भाषांमधून मराठीत घेण्यात आले आहेत. “‘हॅलो’ इंग्रजी म्हणून आवडत नाही, मग मंत्री म्हणून खुर्चीत कसे बसणार? पलंगावर कसे झोपणार? खुर्ची, पलंग फारसी शब्द आहेत. बटाटा, कोबी, हापूस, पपई, पेरू, अननस, बिस्कीट खाऊ नका, पोर्तुगीज आहेत ते. सरकारने अक्कल गहाण ठेवली असे आम्ही म्हणणार नाही. कारण सरकार व अक्कल शब्दही फारसी आहेत”, असं सावंत यांनी आपल्या ट्वीटमध्ये म्हटलं आहे.

दरम्यान, हॅलोऐवजी वंदे मातरम् ला विरोध करणं, म्हणजे संविधानालाच विरोध करण्यासारखं आहे, अशी प्रतिक्रिया सुधीर मुनगंटीवार यांनी दिली आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
सत्तेची मस्ती डोक्यात गेली का? अजित पवारांचा शिंदे सरकारला खडा सवाल! संतोष बांगर यांनाही सुनावलं

संबंधित बातम्या

“या बिल्डरच्या मदतीने शिंदेंनी आमदारांना सुरतला नेलं! खोके व्यवस्थेतील खोके याच बिल्डरचे”; शिवसेनेचा खळबळजनक दावा
शिवरायांच्या एकेरी उल्लेखाचा व्हिडीओ आल्यानंतर रावसाहेब दानवेंनी मागितली माफी, म्हणाले, “तो व्हिडीओ…”
गोपीनाथ मुंडेंविषयी सुषमा अंधारेंचे मोठे विधान, नितीन गडकरींचे नाव घेत म्हणाल्या…
मुख्यमंत्री आणि उपमुख्यमंत्र्यांनी ‘समृद्धी महामार्गावरून’ एकत्र प्रवास केलेली गाडी कोणाची? काँग्रेसचा खळबळजनक आरोप; म्हणाले…
VIDEO: “संजय राऊतांच्या तोंडात त्यांच्या आईने…”, आमदार गायकवाडांचा संजय राऊतांवर हल्लाबोल

व्हिडिओ

ताज्या बातम्या
काय त्या गाड्या… काय त्यांचा वेग!; मुख्यमंत्र्यांच्या ताफ्यातील वाहनांची एकच चर्चा
Mercedes Benz EQB Car Launch: कार्यक्रमात एमएस धोनीचा मनाला स्पर्श करणारा सल्ला; म्हणाला, ‘सर्वात आधी तुमची कमाई…’
“लहानपणापासून मला…” सनी लिओनीने सांगितलं ‘Splitsvilla’च्या सूत्रसंचालनासाठी होकार देण्यामागचं कारण
नैसर्गिकरित्या रक्त शुद्ध करतात ‘हे’ पदार्थ; लगेच करा रोजच्या जेवणात समावेश
नालासापोऱ्यात घरफोडी करणार्‍या चोराला रंगेहाथ अटक, नागरिकांनी केलेल्या मारहाणीची चित्रफित व्हायरल