चंद्रपूर : महविकास आघाडीसोबत असलेले चंद्रपूरचे अपक्ष आमदार किशोर जोरगेवार यांना शिवसेनेचे बंडखोर नेते एकनाथ शिंदे यांचा मंगळवारी रात्री फोन आला. जोरगेवार शिंदे यांच्या संपर्कात आहेत. मतदार संघाचा आढावा घेऊन निर्णय घेणार असल्याचे त्यांनी स्पष्ट केले असले तरी ते सत्तेसोबत जातील, असे संकेत आहेत. भाजप प्रदेशाध्यक्ष चंद्रकांत पाटील यांनी पत्रपरिषदेत जोरगेवार यांचे नाव घेतल्यापासून ते चर्चेत आहेत. तसेच सात ते आठ अपक्ष आमदारांच्या गटासोबत ते सक्रिय आहेत.