रायगड - मुंबईहून १७ जण माणगाव येथे देवकुंड सहलीसाठी आले होते. यातील दिनेश तुकाराम शिंदे रा. दहीसर याचा म्हसेवाडी येथील कुंडलिका नदीपात्रातील पाण्याच्या प्रवाहात बुडून मृत्यू झाला. आपल्या मित्रासमवेत तो पोहण्यासाठी नदीपात्रात उतरला होता. मात्र पाण्याचा अंदाज न आल्याने तो बुडाला. त्याला मित्रांनी तातडीने माणगाव येथील उपजिल्हा रुग्णालयात दाखल केले होते. मात्र डॉक्टरांनी त्याला मृत घोषित केले. महाड येथे एनडीआऱएफ पथक दाखल राष्ट्रीय आपत्ती निवारण बलाची एक तुकडी महाड येथे दाखल झाली आहे. पावसाळ्यात कोकणात होणारी अतिवृष्टी, पूर आणि दरडी कोसळण्याच्या घटनांची पार्श्वभुमी लक्षात घेऊन कोकणात खबरदारी म्हणून हे पथक तैनात असणार आहे. २३ जणांचे एक पथक सोमवारी महाड येथे दाखल झाले आहे.