Devendra Fadnavis Oath : महाराष्ट्राची निवडणूक २० नोव्हेंबरला पार पडली. त्यानंतर २३ नोव्हेंबरला जो निकाल लागला त्यात महायुतीला महाप्रचंड यश मिळालं आहे. २३७ जागांवर महायुतीने विजय मिळवला आहे. दरम्यान महाराष्ट्राच्या मुख्यमंत्रिपदी कोण विराजमान होणार? याचा निर्णय बुधवारी म्हणजेच ४ डिसेंबरला झाला आहे. या शपथविधीसाठी उद्धव ठाकरे, शरद पवार यांनाही निमंत्रण देण्यात आल्याची माहिती भाजपाचे प्रदेशाध्यक्ष चंद्रशेखर बावनकुळे यांनी दिली आहे.
५ डिसेंबरला संध्याकाळी ५.३० ला शपथविधी
देवेंद्र फडणवीस हे राज्याचे मुख्यमंत्री म्हणून आज बुधवार ५ डिसेंबर २०२४ ला संध्याकाळी ५.३० वाजता शपथ घेतील. महाराष्ट्राला देशातलं क्रमांक एकचं राज्य करण्याची क्षमता ज्या व्यक्तीमध्ये आहे असे लोकनेते देवेंद्र फडणवीस हे आज मुख्यमंत्री म्हणून शपथ (Devendra Fadnavis Oath) घेतील. महाराष्ट्राच्या १४ कोटी जनतेला आम्ही जो जाहीरनामा दिला होता त्यातली वचनं यशस्वीपणे पूर्ण करण्यासाठी आम्ही कटिबद्ध आहोत. देवेंद्र फडणवीस आज मुख्यमंत्री म्हणून शपथ घेत आहेत मी त्यांना शुभेच्छा देतो असंही चंद्रशेखर बावनकुळे यांनी म्हटलं आहे.
एक मुख्यमंत्री दोन उपमुख्यमंत्री यांचा शपथविधी
राज्यपालांकडे किती मंत्री शपथ घेणार याची यादी गेली आहे. एक मुख्यमंत्री आणि दोन उपमुख्यमंत्री असे तीन शपथविधी ( Devendra Fadnavis Oath ) होतील असंच दिसतं आहे. दरम्यान तिन्ही नेत्यांनी आणखी काही निर्णय घेतला किंवा वरिष्ठांनी काही निर्णय घेतला तर आम्ही त्याची वाट बघू असंही बावनकुळे यांनी म्हटलं आहे. आज सरकारचा शपथविधी ( Devendra Fadnavis Oath ) होतो आहे. सामाजिक विकास करण्यासाठी आमचं सरकार काम करेल.
उद्धव ठाकरे, शरद पवार यांना निमंत्रण दिलं आहे
सर्वांना सरकारने निमंत्रण दिलं आहे. प्रोटोकॉलनुसार हे निमंत्रण करायचं असतं. देवेंद्र फडणवीस यांनी सगळ्यांशी संवाद साधला आहे. विरोधकांनी महाराष्ट्राच्या विकासासाठी सहकार्य करावं अशी आमची अपेक्षा आहे. उद्धव ठाकरे, शरद पवार, पृथ्वीराज चव्हाण तसंच सगळेच माजी मुख्यमंत्री त्यांना माझी विनंती आहे की राजकारण संपलं आहे त्यामुळे त्यांनी शपथविधीला ( Devendra Fadnavis Oath ) उपस्थित रहावं. माझी ही विनंती उद्धव ठाकरे, शरद पवार, नाना पटोले, राज ठाकरे अशा सगळ्याच नेत्यांना आहे. विकास हा सर्वांगिण असला पाहिजे. विकास काही सत्ताधारी पक्षासाठी वेगळा आणि विरोधकांसाठी असा वेगळा नसतो. हा काही पक्षाचा शपथविधी नाही हा महाराष्ट्राच्या मुख्यमंत्र्यांचा शपथविधी आहे त्यामुळे सगळ्यांनी उपस्थित रहावं अशी आमची इच्छा आहे शिष्टाचारानुसार सगळ्यांना निमंत्रण पाठवण्यात आलं आहे असं चंद्रशेखर बावनकुळे यांनी म्हटलं आहे.
