scorecardresearch

Premium

“समुद्रात ट्रॅक्टर चालवणारा मुख्यमंत्री पहिल्यांदाच…”, उद्धव ठाकरेंच्या टीकेला एकनाथ शिंदेंचं उत्तर, म्हणाले…

मुख्यमंत्री एकनाथ शिंदे जुहू किनाऱ्यावरील स्वच्छता मोहिमेत सहभागी झाले होते. यावेळी मुख्यमंत्र्यांनी समुद्र किनारा स्वच्छ करणारा ट्रॅक्टर स्वत: चालवला.

Uddhav Thackeray Eknath SHinde
प्रदूषणमुक्त, स्वच्छ मुंबईसाठी महापालिकेच्या वतीनं स्वच्छता मोहिम हाती घेतली आहे.

बृहन्मुंबई महानगरपालिकेने शहराच्या समुद्रकिनाऱ्यांची स्वच्छता मोहीम हाती घेतली आहे. या मोहिमेअंतर्गत मुख्यमंत्री एकनाथ शिंदे जुहू किनाऱ्यावरील स्वच्छता कार्यक्रमात सहभागी झाले होते. यावेळी मुख्यमंत्र्यांनी समुद्र किनाऱ्यावर स्वच्छता करणारा ट्रॅक्टर स्वत: चालवला. या ट्रॅक्टरवरून एकनाथ शिंदे यांच्यावर टीका होत आहे. शिवसेनेच्या ठाकरे गटातील नेत्यांनी एकनाथ शिंदे यांना समुद्रावर ट्रॅक्टर चालवणारा मुख्यमंत्री असं म्हणत टीका केली आहे. उद्धव ठाकरे म्हणाले, “समुद्रावर ट्रॅक्टर चालवणारा पहिलाच मुख्यमंत्री आपण पाहिला. लोकांच्या, शेतकऱ्यांच्या घरावर नांगर आणि समुद्रावर ट्रॅक्टर फिरवणारा मुख्यमंत्री पहिल्यांदाच पाहायला मिळाला.

ठाकरे गटातील आमदार आदित्य ठाकरे यांनीदेखील यावरून एकनाथ शिंदे यांच्यावर टीका केली आहे. आदित्य ठाकरे यांनी म्हटलं आहे, “मी पाहिलेला फोटो हास्यास्पद आहे. समुद्र किनाऱ्यांवरील स्वच्छता करणारे ट्रॅक्टर पाण्यात चालवून काही उपयोग आहे का? फोटोसाठी पोज तरी नीट द्यायची. एवढ्या वर्षाची ओळख आहे, मला फोन करून विचारायला हवं होतं. आमच्या सहकाऱ्यांना पक्ष प्रवेशासाठी फोन करता, मग मला फोन करून मी समुद्रकिनारे स्वच्छ करण्यासाठी काय केलं? हे विचारायला हवं होतं. ट्रॅक्टर घेऊन तुम्ही पाण्यात जाता. ही गोष्ट हास्यास्पद आहे

asha workers protest at ajit pawar s bungalow
नागपूर: आशा स्वयंसेविकांचे उपमुख्यमंत्री अजित पवार यांच्या बंगल्यापुढे ठिय्या आंदोलन, मागणी पूर्ण होईस्तोवर…
tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
Uday Samant about Eknath Shinde
मुख्यमंत्री एकनाथ शिंदे यांच्याबरोबर गुन्हेगारांच्या छायाचित्रांबाबत उदय सामंत म्हणाले, “मुख्यमंत्र्यांसोबत कोणी छायाचित्र काढल्यास…”
nagpur devendra fadnavis marathi news, devendra fadnavis latest marathi news, devendra fadnavis paradsinga village marathi news,
“आमच्यासाठी प्रत्येक मतदार महत्त्वाचा”, उपमुख्यमंत्री देवेंद्र फडणवीस यांचे मत; म्हणाले, “माझा आजचा मुक्काम पारडसिंगाला…”

दरम्यान, उद्धव ठाकरे आणि आदित्य ठाकरे यांच्या टीकेला एकनाथ शिंदे यांनी उत्तर दिलं आहे. पत्रकारांनी आदित्य आणि उद्धव ठाकरे यांनी केलेल्या टीकेबद्दल विचारल्यावर मुख्यमंत्री आधी हसले आणि म्हणाले, तो ट्रॅक्टर कसला होता याची त्यांनी आधी माहिती घ्यायला हवी होती. तो बीच कॉम्बर होता. म्हणजे समुद्रात, बीचवर दगड आणि प्लास्टिकसह जो कचरा असतो तो या बीच कॉम्बरच्या जाळीत अडकतो. या ट्रॅक्टरच्या मागे कॉम्बरच्या जाळीत सगळं अडकतं. हा कचरा वेगवेगळा केला जातो. यामुळे बीचवर केवळ वाळू राहते.

हे ही वाचा >> “मंत्रिपदाच्या बातमीने मनात लाडू फूटतात, पण…”, भरत गोगावले यांनी व्यक्त केली खंत

मुख्यमंत्री एकनाथ शिंदे म्हणाले, खरंतर बोलणाऱ्यांनी पूर्ण माहिती घ्यायला हवी होती. मुंबई महापालिकेच्या तिजोरीवर ज्यांनी जेसीबी चालवला, मुंबईच्या विकासावर बुलडोझर फिरवला त्यांचं आपण काय करणार. मी दिल्लीला किंवा तेलंगणाला गेलो, शेती करायला गेलो, बीचवर सफाई करायला गेलो तरी यांना अडचण होते. मी जनेतला विचारतो की तुम्हाला घरी बसणारा मुख्यमंत्री हवा आहे की दिल्ली ते गल्लीपर्यंत सगळीकडे काम करणारा मुख्यमंत्री हवा आहे?

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Eknath shinde answer on uddhav thackeray statement first time saw cm driving tractor in sea asc

First published on: 11-12-2023 at 17:49 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×