eknath shinde explains difference in ajit pawar rebel in 2019 and shinde group mla stand | Loksatta

Video : अजित पवारांप्रमाणेच हेही बंड फसेल असं वाटलं होतं का? एकनाथ शिंदे म्हणतात, “यावेळी मी…!”

एकनाथ शिंदे म्हणतात, “या दोन्ही बंडांमध्ये एक मुख्य फरक आहे. तेव्हा अजित पवार…!”

Video : अजित पवारांप्रमाणेच हेही बंड फसेल असं वाटलं होतं का? एकनाथ शिंदे म्हणतात, “यावेळी मी…!”
अजित पवारांच्या बंडापेक्षा शिंदे गटाचं बंड वेगळं कसं?

शिवसेनेत आजपर्यंतची सर्वात मोठी बंडखोरी करत एकनाथ शिंदेंनी भाजपासमवेत आघाडी केली आणि राज्यात नवीन सरकार स्थापन झालं. तेव्हापासून दोन्ही गटांमध्ये जोरदार कलगीतुरा सुरू आहे. दोन्ही बाजूंनी सत्तास्थापनेबाबत, बंडखोरीच्या कारणांबाबत वेगवेगळे दावे करत आरोप केले जात आहेत. या पार्श्वभूमीवर राज्याचे मुख्यमंत्री एकनाथ शिंदे यांनी या संपूर्ण प्रकरणावर ‘लोकसत्ता’शी बोलताना भूमिका मांडली आहे. “शिवसेना ही काही प्रायव्हेट लिमिटेड कंपनी नाही”, असं म्हणत एकनाथ शिंदेंनी उद्धव ठाकरेंना टोला लगावला आहे. तसेच, आपले बंड हे अजित पवारांच्या बंडापेक्षा वेगळे होते, असंही एकनाथ शिंदे यावेळी म्हणाले. त्यांनी त्यांच्या शैलीत या बंडांमधला फरक सांगितला आहे.

“सगळ्यांच्या मेहनतीतून शिवसेना मोठी झाली”

बंडखोरीबाबत विचारणा केली असता एकनाथ शिंदेंनी उद्धव ठाकरेंला लक्ष्य केलं. “आम्ही काही दुसऱ्या पक्षात गेलो नाही. आम्ही दुसरा पक्ष काढलेला नाही. शिवसेना ही काही प्रायव्हेट लिमिटेड कंपनी नाही. सगळ्यांनी मिळून उभी केलेली ही शिवसेना आहे. सगळ्यांच्या मेहनतीतून मोठी झालेली शिवसेना आहे. बाळासाहेबांचे विचार आमच्यापासून कुणी हिरावून घेऊ शकतं का? बाळासाहेबांनी काँग्रेस-राष्ट्रवादीला जवळ करू नका म्हटलं. केलं कुणी? आम्ही त्यांच्यापासून फारकत घेतली”, असं एकनाथ शिंदे यावेळी म्हणाले.

“२०१९मध्ये मला विचारणा झाली होती”

राज्यात महाविकास आघाडीचं सरकार स्थापन होण्यापूर्वी २०१९मध्ये आपल्याला विचारणा झाली होती, असा गौप्यस्फोट एकनाथ शिंदेंनी यावेळी केला. “तेव्हा मला विचारणा झाली होती. काही जणांनी माझ्याशी संपर्कही केला होता. पण तेव्हा उद्धव ठाकरेंना मुख्यमंत्री व्हायचं होतं. म्हटलं, जाऊ दे, त्यांची मुख्यमंत्रीपदाची हौस फिटू दे”, असा टोला शिंदेंनी लगावला. “५० आमदार बाहेर घेऊन पडल्याने आज देशातच काय, देशाबाहेर जगातही माझे नाव झाले आहे. तेव्हा मुख्यमंत्री झालो असतो तर आज झाले तेवढे माझे नाव झाले नसते. आम्ही ‘परफेक्ट’ कार्यक्रम केला”, असं ते यावेळी म्हणाले.

Video : “तेव्हाच शिवसेनेला उपमुख्यमंत्रीपद देऊ केलं होतं, पण मला…”, मुख्यमंत्री एकनाथ शिंदेंचा मोठा खुलासा!

अजित पवारांचं बंड आणि शिंदे गटाचं बंड यातला फरक!

२०१९मध्ये अजित पवारांनी बंड करत भल्या सकाळी देवेंद्र फडणवीसांसोबत शपथविधी उरकला होता. त्यानंतर अगदी काही दिवसांपूर्वीपर्यंत त्या शपथविधीची चर्चा सुरू होती. मात्र, त्यांचं बंड फसलं आणि देवेंद्र फडणवीसांच्या नेतृत्वाखालील ७८ तासांचं सरकार कोसळलं. पण अजित पवारांच्या बंडाप्रमाणेच आपलं बंडही अपयशी ठरेल, असं वाटलं होतं का? अशी विचारणा यावेळी मुलाखतीमध्ये एकनाथ शिंदेंना करण्यात आली. त्यावर बोलताना शिंदेंनी खोचक शब्दांत प्रतिक्रिया दिली.”या दोन्ही बंडांमध्ये एक मुख्य फरक आहे. तेव्हा अजित पवार होते. यावेळी एकनाथ शिंदे होते”, असं ते म्हणाले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“PFI चा देशविरोधी कट उघड; इतिहासातील खानांची सदैव ‘उचकी’ लागणारे, उरल्यासुरल्या पक्षाचे प्रमुख कुठे आहेत?”

संबंधित बातम्या

VIDEO: “संजय राऊतांच्या तोंडात त्यांच्या आईने…”, आमदार गायकवाडांचा संजय राऊतांवर हल्लाबोल
मुख्यमंत्री आणि उपमुख्यमंत्र्यांनी ‘समृद्धी महामार्गावरून’ एकत्र प्रवास केलेली गाडी कोणाची? काँग्रेसचा खळबळजनक आरोप; म्हणाले…
“मंत्रिपद गेलं खड्ड्यात, शिवरायांचा अपमान केल्यास…”, गुलाबराव पाटील संतप्त
महाराष्ट्र सरकारची डोकेदुखी वाढली! कर्नाटकनंतर आता नाशिकमधील गावं गुजरातमध्ये विलीन करण्याची मागणी
भाजपा नेत्याच्या शिवरायांवरील नव्या विधानानंतर संभाजीराजे संतापले; फडणवीसांचे नाव घेत म्हणाले “जमत नसेल तर…”

व्हिडिओ

ताज्या बातम्या
मुंबई: शिवरायांच्या जन्मस्थळाबाबत भाजप आमदाराचे अज्ञान; विरोधी पक्ष आक्रमक झाल्याने दिलगिरी
मुंबई: राज्य औषध व्यवसाय परिषदेला राजकीय कुरघोडीची बाधा
दुर्धर व्याधीग्रस्त रुग्णांसाठी जिल्हास्तरावर विशेष उपचार केंद्र; रुग्णांना मानसिक आधार देण्यासाठी आरोग्य विभागाकडून प्रयत्न
मुंबई: गोवरची विशेष लसमात्रा आवश्यकच ;बालरोगतज्ज्ञांचे स्पष्टीकरण
मुंबई अग्निशमन दलात लवकरच भरती