eknath shinde group mla abdul sattar on tet scam certificate | Loksatta

“माझ्या परिवाराची चूक असेल तर मी गुन्हेगार आहे, नाही तर…”, टीईटी घोटाळा प्रकरणी अब्दुल सत्तारांचं स्पष्टीकरण!

अब्दुल सत्तार म्हणतात, “मला व्हॉट्सअपवर अशा प्रकारचा मेसेज दिसल्यानंतर मी स्वत: त्याचं स्पष्टीकरण दिलं. कुणीतरी चुकीच्या माहितीच्या आधारे माझी बदनामी करत आहे. त्यांच्यावर…!”

“माझ्या परिवाराची चूक असेल तर मी गुन्हेगार आहे, नाही तर…”, टीईटी घोटाळा प्रकरणी अब्दुल सत्तारांचं स्पष्टीकरण!
अब्दुल सत्तार (संग्रहित फोटो)

शिक्षक पात्रता परीक्षा अर्थात टीईटीमध्ये घोटाळा झाला असून त्यात अब्दुल सत्तार यांच्या दोन्ही मुलींची प्रमाणपत्र रद्द करण्यात आल्याचं समोर येत आहे. सत्ताधारी शिंदे गटातील एका आमदाराचं नाव भ्रष्टाचार प्रकरणात समोर आल्यामुळे त्यावरून मोठी चर्चा सुरू झालेली असताना खुद्द अब्दुल सत्तार यांनीच यासंदर्भात पत्रकार परिषद घेऊन आपली भूमिका मांडली आहे. यासंदर्भात कारवाई करण्याची मागणी करतानाच जर आपल्या कुटुंबातील कुणी दोषी असेल, तर ते गुन्हेगार आहेत, असं अब्दुल सत्तार म्हणाले आहेत.

“माझी बदनामी करण्याचा प्रयत्न”

अब्दुल सत्तार यांनी पत्रकार परिषदेत बोलताना हा सगळा आपली बदनामी करण्याचा प्रयत्न असल्याचा दावा केला आहे. “मला व्हॉट्सअपवर अशा प्रकारचा मेसेज दिसल्यानंतर मी स्वत: त्याचं स्पष्टीकरण दिलं. कुणीतरी चुकीच्या माहितीच्या आधारे माझी बदनामी करत आहे. त्यांच्यावर मी कायदेशीर कारवाई करणार”, असं अब्दुल सत्तार म्हणाले आहेत.

टीईटी घोटाळा : शिंदे गटातील आमदार अब्दुल सत्तार यांच्या दोन्ही मुलींची नावे?

“कायद्यानुसार या प्रकरणात जर कोणतीही चूक असेल, तर मुख्यमंत्री चौकशीचे आदेश देतील. सचिव किंवा शैक्षणिक अधिकारी यांच्याशिवाय याबद्दल दुसरं कोण स्पष्टीकरण देणार?” असा प्रश्न सत्तार यांनी उपस्थित केला आहे. “माझ्या परिवाराची चूक असेल, या प्रकरणी मी काही फायदा घेतला असेल तर मी गुन्हेगार आहे. नाही तर ज्यांनी यात माझ्या कुटुंबाचं नाव घेतलं, त्यांची चौकशी मी करायला सांगणार”, असंही सत्तार यांनी यावेळी बोलताना नमूद केलं.

“…तर नक्कीच कारवाई झाली पाहिजे”

दरम्यान, आपल्या कुटुंबाकडून काही चुकीचं घडलं असेल, तर कारवाई झाली पाहिजे, असं सत्तार यावेळी म्हणाले. “माझ्या कुटुंबाच्या लोकांनी पात्र असल्याचा काही फायदा घेतला असेल, तर त्यांच्यावर जरूर कारवाई झाली पाहिजे. माझा मुलगा टीईटी परीक्षेला बसलाच नाही. मग त्याचं नाव यादीत कसं येईल? तरी काही लोक त्यात नाव घेत असतील, तर चौकशीत येऊ द्या सगळं समोर”, असं ते म्हणाले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
संजय राऊतांनी तुरुंगातून लेख कसा लिहिला? ED करणार चौकशी

संबंधित बातम्या

राज ठाकरेंच्या कोकण दौऱ्याचा कार्यकर्त्यांना नव्हता थांगपत्ता; सिंधुदुर्ग जिल्ह्याची मनसे कार्यकारिणी बरखास्त
VIDEO: राऊतांना प्रत्युत्तर देताना संजय गायकवाडांची जीभ घसरली, शिवी देत म्हणाले, “*** तू यापुढे…”
“बाबासाहेब पुरंदरेंच्या विकृत व अनैतिहासिक मांडणीवर…”, राज ठाकरेंच्या भेटीनंतर जयसिंगराव पवारांचा मोठा खुलासा
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान
“सुषमा अंधारेंच्या मेंदुला…” राज ठाकरेंवरील टीकेला प्रत्युत्तर देताना मनसे नेत्याची जीभ घसरली!

व्हिडिओ

ताज्या बातम्या
पुणे: पिंपरी- चिंचवडमध्ये ३ पिस्तुलं, ११ जिवंत काडतुसे, ६ कोयते जप्त; सात जणांना ठोकल्या बेड्या
मुंबई: राज्यातील किमान तापमानात वाढ होणार
‘राज ठाकरे हेच खरे जातीयवादी’; जितेंद्र आव्हाड यांचा आरोप
Dutee Chand Marriage: समलैंगिक साथीदारासोबत अ‍ॅथलीट द्युती चंदचा विवाह संपन्न, सोशल मीडियावर फोटो व्हायरल
इंडोनेशियात विवाहपूर्व शरीरसंबंध बेकायदा ठरणार, येतोय नवीन कायदा