‘असफलता एक चुनौती है इसे स्वीकार करो’ अजित पवारांचा भाजपाला टोला

बजेट सादर करत असताना भाजपाला सुनावले

(संग्रहित छायाचित्र)

“असफलता एक चुनौती है, इसे स्वीकार करो, क्या कमी रह गयी देखो और सुधार करो” असं म्हणत अर्थसंकल्प वाचत असताना अर्थमंत्री आणि उपमुख्यमंत्री अजित पवार यांनी भाजपाला टोला लगावला. अजित पवार जेव्हा बजेट सादर करण्यासाठी उभे राहिले तेव्हा जनतेचा कौल मिळाल्याने आम्ही सत्तेत आलो असा उल्लेख त्यांनी केला. त्यावेळी भाजपाच्या आमदारांनी गोंधळ घातला. त्यानंतर शेतकऱ्यांसाठी काय तरतुदी केल्या हे सांगत असताना अजित पवार यांनी हरिवंशराय बच्चन यांच्या कवितेतील ओळींचा उल्लेख केला आणि भाजपाला टोला लगावला.

आणखी वाचा- सरकार आणि अर्थसंकल्पाचा हा अजब योगायोग

“असफलता एक चुनौती है, इसे स्वीकार करो, क्या कमी रह गयी देखो और सुधार करो” अपयश हे एक आव्हान आहे ते स्वीकारा आणि काय कमतरता राहिली याचा विचार करा आणि त्याप्रमाणे सुधारणा करा असा या ओळीचा अर्थ आहे. विशेष बाब ही की हरिवंशराय बच्चन यांच्या याच कवितेतील शेवटच्या ओळींचा उल्लेख फडणवीस करत. कोशीश करनेवालोकी कभी हार नहीं होती या त्या ओळी आहेत. याच कवितेच्या सुरुवातीच्या ओळी वाचून अजित पवारांनी भाजपाला टोला लगावला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Finance minister ajit pawar read poem lines of harivansh rai bacchan and taunts bjp scj